Dvadasharanayacakra 523
Dvādaśāranayacakra 523
- Language
- Sanskrit
523
iha prāk sattāsambandhāt satāṃ vā asatāṃ vā sadasatāṃ vā dravyādīnāṃ satkarī sattā ? na tāvadasatāṃ satkarī sattā śaśaviṣāṇādīnāmapi satkaratvaprasaṅgāt . nāpi satāṃ bhūtatvāt sattāvat prakāśitaprakāśanavaiyarthyavat . satāṃ ca punaḥ sattāsambandhāt sattvādanavasthāprasaṅgāt . prāk tat sattāsambandhāt kimātmakamiti svarūpāvadhāraṇaṃ kāryam, anyathā'sattvāt . nāpi sadasatām, aikātmyānupapatteḥ ghaṭakhapuṣpavat . ubhayadoṣaprasaṅgācca, yadasat tat kharaviṣāṇatulyam, yat sat tatra sattāsambandho vyarthaḥ, sadasatorvaidharmyāt kārye sadasattā na vai॰ sū॰ 9 . 1 . 12 iti ca tvanmatasiddhānupapattirevāyaṃ vikalpaḥ . tasmād vikalpānupapatterna sattāsambandho'bhidhānapratyayahetuḥ .
Commentaries (1)
- Nyāyāgamānusāriṇī — Siṃhasūri Gaṇi Vādikṣamāśramaṇa, Sanskrit
Linked texts (1)
- Vaiśeṣikasūtra (ed. Muni Jambuvijayaji) — Sanskrit