Dvadasharanayacakra 526
Dvādaśāranayacakra 526
- Language
- Sanskrit
526
tadvacchaśaviṣāṇādibhirapi sambadhyeteti śaśaviṣāṇādīnāmapi satkaratvaprasaṅgastadavasthaḥ . na, śaśaviṣāṇādivadatyantanirātmakatvānabhyupagamāt kāryadravyaguṇakarmaṇām . nanu asat ityatra naña uttarapadābhidheyanivāraṇārthatvāt satpratiṣedhārthatvāt kathamasya sātmakatvam ? na, anekāntāt, aputrabrāhmaṇavadaguṇaguṇavat . yathā nāsya putro'stītyaputro brāhmaṇaḥ nāsya guṇo'stītyaguṇo guṇaḥ tathehāpi nāsya sadityasat . na ca tadapi nirātmakaṃ śaśaviṣāṇavat, sattāsambandhādṛte'pi yathā parapakṣe pradhānādīnāṃ sātmakatvaṃ tathehāpi syāt . tvatpakṣe dṛṣṭāntābhāva iti cet,...... sāmānyādivadvā,.........sāmānyādivadeva
Commentaries (1)
- Nyāyāgamānusāriṇī — Siṃhasūri Gaṇi Vādikṣamāśramaṇa, Sanskrit