Lilavatisara p136

p136

tṛtīya utsāhaḥ atha bhūpo'bhyadhād vatsa sulakṣaṇa kalādbhutaiḥ | jitvā jayaśriyamimāṃ vṛṇu dvedhā jayaśriyam ||239 tato bhū bhuji dhāriṇyāṃ niḥśeṣe'ntaḥ pure pare |
mantrisāmantapaureṣu sāvadhāneṣu sabhyavat ||240 vīṇāvādanagītagānavividhālekhyeṣu patracchidi
cchandovyākaraṇetihāsagaṇitālaṅkāranāṭyādiṣu | ādāveva jayaśriyā bata parājigye sa nirlakṣaṇaḥ
sādhīyastadidaṃ yato gurujanapradveṣiṇāṃ kvodayaḥ ||241|| yugmam maṣīmukhī devyathābhūnna trepe nistrapaḥ sa tu | rājā punaḥ smāha viddhvā rādhāṃ vṛṇu jayaśriyam ||242 athājñānyapyabhimānād vaiyātyād vijñamānyasau | cāpeṣu grahamando'pi rādhāvedhārthamutthitaḥ ||243 sa cāpe saṃdadhe bāṇaṃ prāṇaṃ kṛtvodacaṇḍayat | sa gatvā dūramākāśe patan kanyāsakhīmahan ||244 sahastatālaṃ jahase parṣadā sa kulakṣaṇaḥ | jātu daivādabhijño'pi skhalatītyunmadī sa tu ||245 dhāriṇī vyamanāyiṣṭa tutoṣāntarmahīpatiḥ | devyo'nyā mantrisāmantāḥ paurāśca jahṛṣustarām ||246 atha rājā'vadad vatsa vatsarāja jayaśriyam | kalālīlābhirāvaya̭ vṛṇu rājyaśriyā samam ||247 tato bhū bhuji dhāriṇyāṃ niḥśeṣe'ntaḥpure pare | ..
mantrisāmantapaureṣu sāvadhāneṣu sabhyavat ||248 vīṇāvādanagītagānavividhālekhyeṣu patracchidi
__chandovyākaraṇetihāsagaṇitālaṅkāranāṭyādiṣu | ādāveva jayaśriyaṃ sukhasukhācchrīvatsarājo'jayat
sādhīyastadidaṃ yato gurujanānārādhyatāṃ kvājayaḥ ||249|| yugmam 248.1. niśeṣe.