Pramāṇa · Search · About · API

Lilavatisara p137

Līlāvatīsāra p137

p137

[250-263 tato rājā jaharṣoccairanṛtyaddhāriṇīmanaḥ | sāmantāmātyapaurāśca sarve mumudiretarām ||250 jayaśriyaṃ ca romāñcakuḍmalitavapulatām | varasrajaṃ dṛkasrajaṃ ca tatkaṇṭhe kṣeptumudyatām ||251 vatsarājo'bhyadhāt saumye paśya rādhāvyadhotsavam | tato yathocitaṃ kuryā varaṇasragmahotsavam ||252|| yugmam tatastailamahāpātramupastambhaṃ niveśya saḥ | svaśarīrodtamiva baddhvā parikaraṃ dṛḍham ||253 aniveśya mahīpīṭhe'dhijyīkṛtya śarāsanam | sandhāya sāyakaṃ tacca valayīkṛtya līlayā ||254 dṛḍhāṃ vāmāṃ dhanurmuṣṭi maulau saṃsthāpya maulivat | hṛdi kaustubhavannyasya guṇamuṣṭi tu dakṣiṇām ||255 savyāpasavyaparyañcaccakracakravimadhyataḥ | rādhāvāmadṛśaṃ draṣṭuṃ tailapātrānubimbitām ||256 citrālekhitavallepakṛtavad prāvaklaptavat | ūrdhvamuṣṭiradhodṛṣṭiḥ sthānenāsthānnarendrasūḥ ||257|| pañcabhiḥ kulakam taṃ draṣṭuṃ siṃhāsanasthāḥ pādārasthitayo'bhavan | upaviṣṭāūḻabhūvannūrvā namrāgrakāyakāḥ ||258 tatra tatrodbhuva iva cakṣuṣaikendriyā iva || ekātmāna ivaikāgyāt tadā sabhyā virejire ||259 ātmānaṃ manasā tacca dṛśā lakṣyeṇa tāmapi | niścalīkṛtya yogīva ciraṃ tasthau sa rājasūḥ ||260 lakṣyātmānaṃ nirīkṣyātha rādhāṃ mithyopalabdhivat | śareṇa sākṣātkāreṇa vivyādha sa narendrasūḥ ||261 jayaśriyā kaṭākṣasragadviruktavaraṇasrajā | śrīvatsarājo vakre'tha jajñe jayajayadhvaniḥ ||262 niḥsvāneṣvavalan ghātā nāndītūryamapūryata |
harṣasāṃrāviṇaṃ cakruḥ sarvato'pi sabhāsadaḥ ||263 259.1. ud bhuva.