Lilavatisara p141

p141

[11-24 kṛtrimān svarṇarūpyendukastūrī higukakumān | dadāti vaideśikebhyaḥ sa māyānāṭyanāṭyakṛt ||11 vivāde śapate kośān pibatyatti ca tandulān | spṛśatyahīrdevagurvordatte sukṛtamātmanaḥ ||12 alabhyānapi hi drammān karṣatyugrasurāgrataḥ | tato devacakrapāte kuṣṭhī syāt mriyate'thavā ||13 aviśvāsāt tyajyate'pi bandhubhiḥ sa bhujaṅgavat | jñātastathā badhyate codabadhyate ca niyogibhiḥ ||14 bandhubhirmocito jātu nirlajjaścauryamācaret | tataḥ kālākṣarīkṛtya mucyate sarvabandhubhiḥ ||15 cauryaprasādādāropya rāsabhe bhramitaḥ pure | vṛkṣobaddho raudramanā narake yāti pātakī ||16 anehasamasaṅkhyeyaṃ tatrāśarmātidāruṇam | soḍhvā kathañcidudvṛttastato jāyeta cennaraḥ ||17 tatrāpi prāgbhavābhyāsānmāyāvī stainyatatparaḥ | caityādimoṣa viśrabdhaghātanaṃ kurute bahu ||18|| yugmam tato nānānarthapātaiḥ paścāttāpāt kathañcana | baddhvā narāyurjāyeta manuṣyaḥ karmalāghavāt ||19 tatrāpyanāryakāryāṇi kṛtvā bhūtvā'yaśaḥpadam | kṣudhātṛṣātoṃ bhramati yathā rājannayaṃ pumān ||20 rājā''khyad bhagavannāhamasmin parṣatsarasvati | jāne sāmānyābhidhāne tat spaṣṭaṃ brūhi taṃ prabho ||21 tataḥ prabhurjagau yo'yaṃ marukūpagabhīradṛk || ajāpatisakkūrcaḥ kramelakaśirodharaḥ ||22 nimīsadīrghajaṅghākaḥ śīrṇavakrāsamakramaḥ | tvadakṣiṇe tripuruṣāṃntaritaḥ saiṣa budhyatām ||23|| yugmam vyajijñapat punarbhūpaḥ kimatrāmutra duṣkṛtam |
kṛtametena bhagavānūce rājan niśamyatām ||24 13.3. cakapāte.