Lilavatisara p142

p142

caturtha utsāhaḥ mahāmodaparitrastakakubbhāstikahāstikam | ihāsti hāstinapuraṃ kurumaṇḍalamaṇḍanam ||25 koṭīdhvajadhvajakṣiptanabhodhvajakarabaje | pure tatrodyayau śrīmānnayasāro mahīpatiḥ ||26 yannyāyaghaṇṭāṭakkārastrilokasyodaraṃbhariḥ | anyāyabhūtānudbhūtān kāṃdiśīkānajījanat ||27 anekanaigamamahāśreṇidhuryatamāsamaḥ
| mahādhano dhano nāmnā śreṣṭhī tatrābhavat pure ||28 pitāmahapitṛmukhyārjitaṃ dūre'stu vaibhavam | yadarjati pratyahaṃ sa saṃkhyā tasyāpi nāpyate ||29 tathā hi - jalasthalākarahaṭṭakalāntaravaṇijyayā dvicatuṣpādaśakaṭayānapātrādibhāṭakaiḥ
||30. nānāyonipoṣakṛṣīṣṭakāṅgārādikāraṇaiḥ || kṛtrimasvarṇarupyendukastūrī himukuṅkumaiḥ ||31 karpāsānnaghatatailatuvarīlavaṇedhasāṃ nīlīlākṣāsīsakāyaḥśastrādīnāṃ ca saṅgrahaiḥ ||32 loṣṭikasyāpi yatrāyastairārambhaparigrahaiḥ | arjatyarthamasau naiva saṃtupyatyaurvavahivat ||33||
catubhiḥ kalāpakam vyayaṃ ca lopṭikasyāpi pratīkacchedato'dhikam | manyate sahate duḥkhamarthāyaiṣa divāniśam ||34 pratirūpakriyākūṭatulāmānādibhistathā .. jana vañcayate nityamindrajālikalīlayā ||35 tathākhyātaḥ pure so'tha dhriyate grāhyakairdhanaiḥ | hīlyate bandhubhirmitrairmucyate khādyate khalaiḥ ||36 tataścārakṣamantryādīn lañcayopacaratyasau | evaṃ śāṭhyastainyasakhaścirameṣa vyavāharat ||37
|
Lila.-10