Lilavatisara p151

p151

[148-161 asmatpaṭasya mahimā śrayatāṃ deva ! sāmpratam | asyopalabhate rūpaspaśī ko'pi na jārajaḥ ||148 yanmātṛśīlasvarṇasya paṭo'yaṃ kaṣapaṭṭakaḥ | ata eva yaśorājarājenāpūjyata prasūḥ ||149 atha praviśya gehāntastasmai paṭamadarśayat | māyayā cālayan hastau hayo'yaṃ hastyasāviti ||150 dadhyau vigraharājo'tha kiñcit paśyāmyahaṃ na hi | tat kiṃ mātā me na śuddhā'thavā śuddhāḥ kva yoṣitaḥ ||151 ekāsakte kiñca patyau prāpnuvatyo na vārakam | ṛtusnātāḥ kiṃ na kuryurmahelāḥ kāmahelayā ||152 athāvahitthāmāsthāya so'bhyadhatta dhanaṃ prati | nekṣāñcakre śuśrave na paṭaratnamitīdṛśam ||153 rājño'gre'pi tathā''khyat sa tato rājā praharpulaḥ | anyānyān pratyaha pusaḥ prāhiṇot prekṣituṃ paṭam ||154 dhūrto dhanaḥ paṭaśaktisvarūpākhyānapūrvakam | tān mohayāmāsa sarvānaho māyāvijambhitam ||155 aye vigraharājena dṛṣṭa nekṣāmahe paṭam | tanno māturdoṣa iti dhyātvā te'pyastuvan paṭam ||156 iti sarva rājakulaṃ krameṇaiṣa vyamohayat | aho mātṛdoṣāpattividyāyāḥ sphūrjitaṃ mahat ||157 śīghraṃ dadāno dīnārāṃstasya lakṣamadānnṛpaḥ | tenāpi tadvilasatā pure nyaṣṭhāpyatākhilam ||158 rājñoce ki paṭaḥ pūrṇaḥ svāmin saṃpūrṇa eva hi | muhūrta śodhyatāṃ devādyaiva mauhūrtiko'vadat ||159 tato rājā snātaliptaḥ paridhitsuśca taṃ paṭam | tena dhūrtena karṇānte sthitvā guptamabhaṇyata ||160 jārajo nopalabhate'sya rūpasparśavaibhavam | rājā vyacintayad vastusvarūpaṃ bahudhā bhavet ||161