Lilavatisara p152

p152

caturtha utsāhaḥ
utkṣipya bāhuṃ so'pyāgāddhanaṃ dhūnaṃ śiraḥ paṭam | sāmantāstuṣṭuvurbhūpo dadhyau vīkṣe'smi kiṃ na hi || 162 manye prasūna me śuddhā tūṣṇīko'sthāt tato nṛpaḥ | dhūrto'vag muñca vāsāṃsi maitaiḥ śobhā'sya naśyatu || 163 rājā'mucat tatastāni paryadhāpyata taṃ paṭam | itastata: karau kṛtvā māyayā tena māyinā ||164 rājā spaṣṭaṃ yathājātamātmānamabhivīkṣate | sāmantāstū curutkṛṣṭā paṭaśrīrvīkṣyate prabho || 165 dhūrto vyajñapayad deva pādacārikayā pure | pādo'vadhāryatāṃ sarve yenekṣante paṭaśriyam ||166 rājā'tha chatrarociṣṇuḥ sāmantāmātyabhūṣitaḥ | pādacārī pure'bhrāmyad dhṛtāśāmbaradīkṣavat || 167 sa tu dhūrtaḥ kākanāśaṃ nanāśa tvaritaṃ tathā | yathā na kaiśvidvaye siddhāntardhānasiddhivat || 168 taddhūrtavidyayā mātṛdoṣāpattyāṅkitā na ye | te paurāḥ procuruccaiḥ bhoḥ kiṃ svāmyeṣa digambaraḥ ||169 tataḥ sarve'pyūcurevaṃ sāmantāmātyapūrvagāḥ | paryadhān nṛpatirvastre kuhakaṃ māyino'sphuṭat || 170 rāṭpūruṣairvāyuvegaiḥ kṛtadīpairivābhitaḥ | nirīkṣyate sma sa śaṭho na punaḥ kvāpi vīkṣitaḥ || 171 tataḥ pratidiśaṃ rājñaḥ sainyāni pradadhāvire | na lebhe sa tu dhūrtastairmāyayeva tirohitaḥ ||172 divā nilīya saṃsthāsnurniśāyāmutpathe vrajan | mārgānmārgīva jānānaḥ sa dhano'gānmahāṭavīm ||173 yasyāṃ dyanti nagān viṣāṇavalayollāsairibhāḥ sairibhā
yasyāṃ ca prasabhaṃ bhramanti parito dāvānalā vānalāḥ | yasyāṃ siṃhaninādamādadhati te kaṇṭhīravā bhairavā
yasyāṃ cātibhayaṃkarā na gaṇanāṃ prāpannagāḥ pannagāḥ || 174 163.1. śuddhāstū 173.3. mārgāmārgīva