Lilavatisara p161

p161

[281-293 tat pitrā paribhūtasya kuto'pi vidhivaiśasāt | videśagamanaṃ tāvat kevalaṃ lāghavāya me ||281 yataḥ - kulīnasyākalaṅkasya doṣmato matiśālinaḥ | svapitrā paribhūtasya videśānmaraṇaṃ varam ||282 śrīmahāvratasāmantairūce devasya yā gatiḥ | sā sarveṣāmapi hi naḥ pūrṇa tadarivāñchitam ||283 kiñca rājñāmiyaṃ nītirupakṛtya dviṣatkulam | samūlakāṣaṃ kaṣati yastasyorvī vaśaṃvadā ||284 taccet svāmyapi sammānyāsravaṃ chetsyati tadvaram | saṃvaro'vaga naivamevaṃ puṣṭe duṣṭe kathaṃ kṣayaḥ ||285 aye ki kācapicyenetyathocustalavargikāḥ | sa ripuḥ svāmiviśrabdho gatvā channaṃ nigṛhyatām ||286 saṃvaraḥ smāha tatraivaṃ nigṛhīte prabhuḥ sa cet | prāṇaprahāṇamicchet sarvathā hānireva naḥ ||287 vīrā upaśamādyāste'vocana deva niśamyatām | jināgamamahāmātyād yatkṛtyamavadhāryatām ||288 tato mativibhavenākāritaḥ śrījināgamaḥ | kumāreṇāpracchi mantrin kimeva poṣyate ripuḥ ||289 mantrī - deva nītiparā bhūpāḥ parān satkṛtya kurvate | taireva tatkulotpāṭa kaṇṭakasyeva kaṇṭakaiḥ ||290 kumāraḥ - yujyeta sarvamevedaṃ mantrin yadyeṣa sarvathā | tyaktvā svapakṣamāyāsyad vibhīṣaṇakumāravat ||291 ayaṃ tu svapituḥ kārya kartuṃ smāyāti vo'ntike | na jñāyate'sau tat tātapādānāṃ kiṃ kariṣyati ||292 mantrī - kumāra mā'dhati kārṣīryataḥ svāmyapramadvaraḥ | dehacchāyeva cāsmyeṣa nityaṃ tatpāripāścikaḥ ||293