Lilavatisara p162

p162

caturtha utsāhaḥ kiñcāsravo'pi devāyaṃ svāmibhakto nirīkṣyate | kumāro'bata vīkṣasva duṣṭasyāsya viceṣṭitam ||294 yadabhavyāḥ sarva eva śrīmithyātvānurāgiṇaḥ || bhavyeṣvapyanantatamo bhāgastātaṃ niṣevate ||295 kila sarve'pyābhavanti bhavyāstātasya saiṣa tuḥ | teṣāṃ rāḍdarśanaṃ runddhe'nurakto bhavatocyate ||296 rāḍbhuktau yo'pyanantāṃśastanmadhyādapyanantaśaḥ | vimohyānena mithyātvabhuktau saciva ninyire ||297 na vai tanna tavādhyakṣa jāgrat svapiṣi kiṃ tataḥ | kumāra tarhi vispaṣṭaṃ yathāsthamabhidhīyate ||298 devo'dhunā''sravaputrakarmabandhasya ditsati || vipākanirjarāṃ karmasthitibhāryodbhavāṃ sutām ||299 kumāraḥ - mantrin sādhūditaṃ seyaṃ kalakopari cūlikā || santāpakāriṇī gaṇḍasyopari sphoṭikā'thavā ||300 mantrī - priyaputrasya te bhuktiḥ śrāvakāśca vilebhire | bandhāviratyāśravāṇāṃ trayāṇāmekahelayā ||301 pramattādyaṣṭake'pīṣat padamāśravabandhayoḥ || svāmyadān mativibhavavijñaptyā'viratenanu ||302 kumāraḥ - akṛtye pitravajñāne'tyaso tvarivaibhave | yatkāryakaraṇaucityaṃ jināgama mamodiśa ||303 mantrī - aśubhasyābhyudītasya vidheyā kalayāpanā | vidhyāyatyagnivat taddhi svayaṃ kālavilambataḥ ||304 kinca - na sahasā vidadhīta sudhīḥ kriyāṃ yadavivicyakṛtaḥ padamāpadām | bhuvi vimṛśyakaraṃ tu guṇākaraṃ svayamaho vṛṇate śubhasampadaḥ ||305