Lilavatisara p191

p191

[261-270 yadvā na tadevakulaṃ na kulaṃ na ca rāṭkulam | na khelanti khalārijā yatrākāraṇavairiṇaḥ ||261 rājā - kumāra sadguṇāgāra kaḥ khalo'sti tavopari | abhīṣṭastvaṃ hi sarveṣāṃ sarvadā x x nātmavat ||262 kumāraḥ - tadalīkaṃ vyalīkaṃ me'mībhiḥ kūṭakirāṭakaiḥ | puratastātapādānāṃ ki prākāśi riporiva ||263 rājāvatsa tvaṃ hi prajāpālastadāgasyapi mā kupaḥ | na coktaṃ taiya̭līkaṃ te kintu svakṣīṇataiva hi ||264 kumāraḥ - nivartyati kṣīṇateyaṃ naiṣāmatra sthite mayi | tatastyajāmyahaṃ deśaṃ mayi tātaḥ prasīdatu ||265 rājā - kumāredṛśaṃvādī(? din) rocate yat tadācara | ekacchatrāṃ ca vasudhāṃ bhuñjīthāḥ sāgarāvadhi ||266 asadabhyākhyānametan mayyūce yaiḥ kirāṭakaiḥ | dāsye tatphalameṣāmityuktvā svaukaḥ kumāra ait ||267 tataḥ kumāro vimalabuddhiṃ sakrodhamabhyadhāt || mantristātena gaṇito na samo'smi kirāṭakaiḥ ||268 yadetadarthaṃ . kurute chalavādaṃ mayā saha | tadbhoḥ kimiha kartavyaṃ mayā vada viśārada ||269 mantrī -- aviśvāsaḥ śriyāṃ mūlaṃ nārīṣu tu viśeṣataḥ |
deveṣu pitṛguruṣu viśvāso'pi praśasyate ||270 262.4. A few letters are blurred in the MS.