Lilavatisara p192

p192

pañcama utsāhaḥ tat kumāra guṇārtha te saudhasthitimavaga nṛpaḥ | vaṇikkīṭeṣu kiṃ ca dvajrasiṃhasya nocitā ||271 kumāraḥ -- kopāṭopo na me tāga vaṇikṣveṣu prasarpati | yādṛk tātāvamatasya svasyopari suduḥsahaḥ ||272 mantrī -- kumāra vaṇijeṣveṣu kuru tadyat cikīrṣasi | devapādāḥ punamantuṃ na te sambhāvayantyapi ||273 kumāraḥ -- tātasnehakaṣaṃ draṣṭuṃ haṭhena vaṇijāṃ vadhūḥ | kṣipāmyantaḥ pure paścād drakṣyate yad bhaviṣyati ||274 mantrī -- paśyedanāvṛtān yastu paradārān narādhamaḥ | gāyavyaṣṭaśataṃ japtvā sacelaḥ sa jalaṃ viśet ||275 dṛṣṭvā yo'bhilaṣetpāpaḥ sa gacchennarakaṃ dhruvam | yo'bhigacchet punaḥ saiṣa narake'pyapraveśakaḥ ||276 ityārṣa vacanaṃ tena kumāra vacanāt tava | mano me dūyate'tyarthamanumanye kathaṃ tataḥ ||277 ityanādṛtya tadvākyaṃ balādantaḥpure'kṣipat || śreṣṭhino vimalamateḥ saiṣa bhāyāṃ snuṣāṃ sutām ||278 tataśca militāḥ paurāḥ rājānamupatasthire | rājā''khyadākhyāta kārya tato vyajñapi nāgaraiḥ ||279 devāsya śreṣṭhino bhāyāṃ snuṣāṃ putrīṃ ca viḍvalām | kumāro'ntaḥpure'kṣapsīt tat trāyasva prajāpate ||280 sakaṣṭamatha rājoce hā'munā lāñchitaṃ kulam |
tadamātyā drutaṃ brata kartavyamatha te'bhyadhuḥ ||281 274.3. aṃtapure.