Lilavatisara p231

p231

[439-451 kathaṃ matistasya yasya rājye lakṣmīmadālasāḥ | koṭīdhvajānucchrayaṃte kirāṭā narakīṭakāḥ ||439 vijigīṣuḥ sa eveha - vipakṣakṣapaṇakṣamāḥ | yasya prajāḥ śrīmadena na mādyanti niraṅkuśāḥ ||440 prajānāṃ tāvadeva svaṃ yuktaṃ jīvanti yāvatā | śeṣaṃ tu nṛpakośasthaṃ vipakṣakṣodakovidam ||441 vaṇijāmapi yā lakṣmīḥ sā'pi devasya nekṣyate | devapādā vaṇijo vā rājāno'treti vedmi na ||442 bhāṇḍāgārasārameṣāṃ tad gṛhītvā prabho kuru | puṣkalaṃ tena pādātaprabhṛti prabalaṃ balam ||443 tato digyātrayā'śvebhakośān kṣudramahībhujām | gṛhāṇaivaṃ ca mahatāmapyaśeṣaṃ grahīṣyati ||444 athodyatkośo bhūpīṭhaṃ vaṇṭhībhūtārimaṇḍalam | nabhastalaṃ ravirivaikastvamudyotayiṣyasi ||445 atitīkṣṇo baddhamuṣṭinistriṃśo malino'pi ca | akhaṇḍadhāro yadasistat kośasya vijambhitam ||446 tato'brūta sutaṃ bhūpaḥ palitāṅkurakarburam | tilatandulitaṃ śmaśrutkṣipya dakṣiṇapāṇinā ||4 47 iyacciraṃ mayā vatsa nākṣatramiti nirmame | adhunā kiṃ kṛte kāryamakāryamidamīdṛśam ||448 kiñca - bhūpaḥ śaraṇyaḥ prajānāṃ tābhyo druhyati cedasau | taccauracaraṭādīnāṃ tenaupādhyāyakaṃ dadhe ||449 api ca - na naḥ kenāpi pūrveṇa puṃsaitat kvāpi nirmame | tadadharmamamuṃ kuyīṃ | kīrtidharmaharaṃ katham ||450 athākhyat kanakaratho dharmaḥ kāryaḥ satāṃ sadā | vijñapyate mayā'pyevaṃ deva tasyaiva vṛddhaye ||451