Lilavatisara p232

p232

ṣaṣṭha utsāhaḥ
163
yataḥ - paracakrāgame deva gṛhāṇi darśanāni ca || vilupyante'tha dahyanti taddhī vairivāraṇam ||452 na vairivāraṇe śakto nṛpaḥ syād balavarjitaḥ | na ca kośavihīnasya rājñaḥ syāt puṣkalaṃ balam ||453 kośaśca śulkamātreṇa kiyān syād deva bhū bhujām | tat prajārthagraheṇā'pi tadrakṣā dharma eva hi ||454 vimucya jīvikāmānaṃ śeṣasyāpahṛtāvapi | deva kiñciddhanenāpi prajā jīvanti sarvataḥ ||455 yaccādiṣṭaṃ devapādairnedaṃ naḥ pūrvajaiḥ kṛtam | taiścākṛtaṃ kariṣyāmi kathaṃ vatsāsmi samprati ||456 tatrāprasādaḥ kartavyo na me devena jalpataḥ | tenaiva te pūrvajā naḥ stokalokādhipāḥ khalu ||457 kiñca - dānena dharmaḥ kīrtiśca dānaṃ cārtha vinā katham | śulkāgataṃ ca dadato rājño jīved balaṃ katham ||458 atha padmarathaḥ prāha vetsi vatsocitaṃ sphuṭam || svaprajādaṇḍanīyetyakṣarāṇi na śṛṇomi tu ||459 yacca te suvicāreṇa tvāyati pratibhāsate || tatra putra pavitrātman pratipanthī bhavāmi na ||460 labdhāvatāraḥ kumāraḥ pitaraṃ vyāharat tataḥ | ya ete tāta sāmantāḥ samantāt nityasevinaḥ ||461 te'pi jīvādiśetyuccai dino'pi durāśayāḥ | pāratanvyāsukhocchittyai devapādāpadaiṣiṇaḥ ||462 tadamī kośahastyaśvāpahārāt svasvamaṇḍale | preṣyantāṃ saṃhatā naite śubhāḥ karamahā iva ||463