Lilavatisara p243

p243

sevakānāṃ varākāṇāṃ svāminnajananirvaram | ye tattvamavimṛśyaiva svāmyādeśaṃ diśantyaho ||64 kathaṃ deva tava puro bruve sannītivarjitam | tathā'pi kṣamyatāmāgaḥ sarva sarvasahādhipa ||65 devaivamevaṃ tvāṃ brūte rājā vimalavāhanaḥ | dūtyādakathyamapyākhyāṃ dhiga dūtyaṃ pūtyapāvanam ||66 tacca sarva satyadūtākhyātaṃ śrutvā sa bhūpatiḥ | sāmarṣamabhyadhādevaṃ bhaktyā mukto'si taṃ vadeḥ ||67 narādhamo'si vijñāto na jāto rājatastataḥ | tatastvaduparikrodhayodho'pi mama lajjate ||68 anyacca mukto dayayā mayā samprati durmate | mama bāṇā vahante na tvayyevaṃ hi malīmase ||69 rājyaśriyaṃ tu bhavataḥ samādāsye'smi niścitam | tadyāhi dūrataḥ kvāpi yadi jīvitumicchasi ||70 yadi vā - rājanītipathād bhraṣṭastyājyo rājyaśriyā svayam | aparādhādataḥ śīrṣacchedya eva hi vartase ||71 tathā'pi kṛpayā dattaḥ ṣaṇmāsā avadhistava | jaladurga sthaladurga bhajethāstvanyathā mṛtaḥ ||72 ityūjitaṃ vacaḥ śrutvā dūtaḥ syūtāsyatāmiva | prāptaḥ prāptaḥ svapure ca svaprabhostadacīkathat ||73 tena dūtopanītena vacasā jātavedasā || prajajvālocchaladurvāgajvālo vimalavāhanaḥ ||74 tato'navekṣya nṛpatinīti bhītiṃ ca durgateḥ | narāntaramanāpṛcchayāvimṛśya svaparāntaram ||75 krodhāhakāraśikhariśikharārohagauravāt | prayāṇakamahāḍhakkāmasau taṃ pratyavīvadat ||76|| yugmam tataḥ sāmantasainyāni milanti sma mahītale | mahājaladavṛndāni prāvṛṣīva nabhastale ||77