Pramāṇa · Search · About · API

Lilavatisara p244

Līlāvatīsāra p244

p244

saṇtama utsāhaḥ asaṅkhyakarituraganarānīkasamākula: uccastarasyandanaughayānapātrakaramvitaḥ plāvayan kāśyapīpīṭhaṃ śeṣakūmī ca kubjayan | balodadhi pracacāla tadā vaimalavāhanaḥ ||79|| yugmam sarvatodik ca rājanyasainyasañjātayojanam | yojanaṃ tad balaṃ gatvā'vasacchuddhamahītale ||80 tatra cāsthānamāsīno hṛṣṭasaṃtuṣṭamānasaḥ | upetyāmātyavargeṇa vijñena vyajñapi prabhuḥ ||81 tāvannavodyogavārtā prakāśyā kasyacit prabho | yāvanna śakunaṃ śreṣṭhaṃ gūḍhārambhā hi saddhiyaḥ ||82 sampanne śakune śreṣṭhe śreṣṭhaṃ tadabhiṣeṇanam | tadabhāve tu devena svadeśo dṛśyatāṃ mudā ||83 avocata tato rājā kvāsti śākunikaḥ sudhīḥ | jagade devaguruṇā mantriṇā'sti mamāntike ||84 rājādeśān mantrihūtaḥ siddhārtho nṛpamānamat | rājñoktaḥ śīghramīkṣasva śakunaṃ ripumardanam ||85 vidhinā sumuhūrte'tha tacca tena nirīkṣitam | sarvathā'pyaśubhaṃ vīkṣya nṛpo vyajñapyatāmunā ||86 deva puṇyānubhāvena sarva śreyo bhaviṣyati | śakunaṃ na punaḥ śreṣṭhaṃ prabhurjānātyataḥ param ||87 saroṣamatha rājoce mantrin vetti kimeṣa kaḥ | kiṃ vā jānanti tiryañco vīkṣyante yena te'pi ca ||88 cittotsāho nirūpyastu sa cāstyanupamo mama | tataḥ prabhāte prastheyaṃ na tu stheyaṃ kathañcana ||89 asminnavasare dvāḥstho nṛpamūce sumaṅgalaḥ | deva naimittiko dvāri svāmipādān didṛkṣate ||90 rājādrākṣīnamantrimukhaṃ sa ūce deva hūyatām ||
praṣṭavyaḥ prastutaṃ svārtha na hi doṣo'tra kaścana ||91 90.1. dvāstho.