Lilavatisara p246
Līlāvatīsāra p246
p246
saptama utsāhaḥ mantrivarge'tha tūṣṇīke cakre vijayavarmaṇā | sāmantena parīhāsakathā rāṭ prāsadata tayā ||101 athāvisaṃvādināmā mantrī vyajñāpayannṛpam | vayaṃ svāmikulakṣemakīrtikośādhikāriṇaḥ ||102 tadasmābhiḥ svapratibhādṛṣṭaṃ vijñapyate prabhoḥ || prabhuṇā cāprasādo'trāsmāsu kartuṃ na yujyate ||103 tato'brūta kṣitipatirmantrin brahmaviśakkitaḥ | gacchatāṃ supathe rājñāṃ hastadīpā hi mantriṇaḥ ||104 athāvisaṃvādimantrī babhāṣe yojitāñjaliḥ | rājanītiraho devāvadhānenāvadhāryatām ||105 prabho'ntarāriṣaḍvarge durdharo durjayastathā | durantaśca smara eṣo'kṣaṣaḍvarge mano yathā ||106 uktaṃ ca -
. sa ekastrīṇi jayati jaganti kusumāyudhaḥ | haratā'pi tanuṃ yasya śambhunā na hṛtaṃ balam ||107 sa cātilabdhaprasaro durvāraḥ śaravad bhṛśam | dūraṃ vināśayatyeva guṇānīkamaśeṣataḥ ||108 so'pade'nyakalatrādau manyeta manasā'pi cet | rājan daśānanasyeva tadā na hi hitāvahaḥ ||109 kiñca kīrti kulaṃ lakṣmī pauruṣaṃ vinayaṃ nayam || yad vā sarva dahatyeṣa parastrīsaṅgamānalaḥ ||110 tava devāntaḥ pure'pi divyāḥ santi purandhrayaḥ | priyaṅgulatikāyāṃ tu tadādhikyaṃ na manmahe ||111 vigrahaśca samarthana śabdaśāstre praśasyate | nītiśāstre punaḥ svāmin sarvathā'pi niṣidhyate ||112 api ca - sakalobhitāṃ mūrthina pādaṃ vinyasya bhūdhava |
tava vaṃśaḥ samudagādagād vṛddhiṃ ca bhūyasīm ||113 Lila:-23