Lilavatisara p252

p252

saptama utsāhaḥ hastiśālā mandurāścābhito jayanaśālinām | padātīnāṃ nivāsāstu kaṭakāveṣṭataḥ kṛtāḥ ||178 gavyūtān parato rājasainyamāvārya sarvataḥ | caturaṅgacamū yuktāḥ sāmantā avatasthire ||179 āsannānāṃ vaṇṭhakalirmā bhūt teṣāṃ davīyasām || rāṭkāryeṣu vilambaśca tatkrośāt parataḥ sthitiḥ ||180 niyogināṃ ca sarveṣāmāḍhyānāṃ vaṇijāmapi | rāṭsaudhasavidhe dattā āvāsāḥ pattirakṣitāḥ ||181 vāranārīgṛhā rājasaudhāt tiryak samantataḥ || ālīmukhe siṃhadvārāsanne sajjāḥ padātayaḥ ||182 gāṇikyaṃ tatra māṇikyābharaṇairdiṅmukhāni ca | vikāsayan vicacāra nānākāmimukhāni ca ||183 tataḥ suvarṇahaṭṭāśca ratnadūṣyāpaṇāstataḥ | ghṛtatailataṅgaḍānnahaṭṭāścarmakṛtastataḥ
||184 rajakā dhāvakāścāpi rājadvārāgrataḥ kramāt ||
sugandhatāmbūlapūgaprasavahaṭṭikāḥ ||185 tiryagālyāṃ dauṣyikānte kāṃsyakṛd gāndhikāstathā | kaṇāṭṭapārśvato nyūṣurnekai kāṃdavikā api ||186 sthānāntareṣu parito bhrāmyantyārakṣapūruṣāḥ | . ajñātajanasañcāraṃ vārayantaḥ samantataḥ ||187 gāyanti pānā vādyante mṛdaṅgapaṭahādayaḥ | paṭhanti bhaṭṭathaṭṭāśca pratisāmantamandiram ||188 evaṃ svadeśasīmāyāmāvāse vāsavaśriyaḥ | tasya rājño vyatijagmudināḥ katyapi līlayā ||189 itaśca - śrutvā sīmni tamāyātaṃ prayāsena mahīyasā |
tāṃ tuṅgaśṛṅgiṇī sindhuṃ tīrkhā darpātitundilaḥ ||190 186.1. tithaṃgālyāṃ.
tataḥ