Lilavatisara p253

p253

[199-203 prayāṇairanavacchinnairāsannībhūya bhūyasā | kopāṭopenāvatasthe rājā vimalavāhanaḥ ||191|| yugmam atha svasainye senānya senānyaṃ śaktisampadā | bhūpaṃ vijayavarmāṇaṃ cakāra vimalaḥ prabhuḥ ||192 tato vijayavarmā'sau sākṣān māna iva prabhoḥ | pravāditaraṇatūrya yudhe'dhāvad gajasthitaḥ ||193 tamathāyāntamālokya daṇḍeśo jayaśāsanaḥ | śubhaṅkarasya nṛpateḥ pratāpa iva mūrtimān ||194 caturdhā senayā'nvīto dvipendramadhirūḍhavān | sphurannisvānanisvāna sahasā sammukho'bhavat ||195|| yugmam tataśca - turagakharakhurotthadhūlidhūmyālaharinirantararuddharodasīkaḥ | śitatarakaratālakuntamukhyapraharaṇasaṃhatikāntiloladarciḥ ||196 rabhasavaśavidhāvamānapattidviparathaghoṭakanaikavanyayūthaḥ | | atigurutaraheticakravālaprasabhavināśitasattvasaṅghabhīṣmaḥ ||197 prasṛmararaṇatūrapūranādasphuradurukīcakaparvaghoṣaghoraḥ gaganatalavahatpṛthatkanānākṛtiniśitographalasphuliṅgabhīmaḥ ||198 vimalajayaśubhakkarābhidhānasphuradavanībhṛdanīkakānanāntaḥ | pradhanavanahutāśanaḥ samantād bhuvanabhayaṅkara eva saṃpralagnaḥ ||199||
caturbhiḥ kalāpakam itthaṃ
samarasaṃmarde'sṛkkardamitabhūtale || talavargapramādena jayaśāsanakumbhinaḥ ||200 kakṣā kṣuraprabāṇena sadyo vijayavarmaṇā | acchidyatāyurnāḍīva kadalīdalalīlayā ||201 tato mūlagrahābhāvāt śāripaṭṭaḥ sayoddhakaḥ (1) | jīrṇacaityaśikharavan nipapāta mahītale ||202 tadānīṃ cānāvṛttāṅgaḥ sa kumbhī jāyaśāsanaḥ |
prahato ripunārācairyapatat paśubhirdvavat ||203 202.2. śāripaṭṭa.