Lilavatisara p282

p282

navama utsāhaḥ
213
āpannānāmuttamānāṃ ye'trānupakṛtā api | upakurvanti ta ime jagatyāṃ narabhāskarāḥ ||66 āpadgatānāṃ durdaivāye tūpakṛtapūrviṇām | pratyupakurvate te tu kiñcidānṛṇyamiyati ||67 ye tūpakārake'pyūccairdurdaśāvivaśātmani | nopakāraparāste syuṛṇadāsā bhave bhave ||68 tadenamupakurve'smi yadyeṣa praguṇo bhavet | tadrājya me'sya prasādād bhavitā'nṛṇatā'thavā ||69 tato'sau svagṛhe tenopacere'bhyaṅgabhojanaiḥ || na paṭvabhūt tato dhanvantarivedyasya darśitaḥ ||70 svāmyeṣa no na jāne'smi kuto'pyevaṃ daśāṃ gataḥ | tadāpta samyak kathaya yathaiṣa syād drutaṃ paṭuḥ ||71 itthaṃ naṭaprakaṭite tatsvarūpe bhiṣagvaraḥ | śāstrānubhavacakṣuyāṃ taṃ vīkṣāmāsa sarvataḥ ||72|| yugmam śailuṣamavadaccaiva vātapittakaphodbhavaḥ | vikāro nāsya talliṅgābhāvād viṣavikāravat ||73 na bhūtaśākinīdoṣo'pyatra ko'pi nirīkṣyate | sambhāvyate tadetasya doṣaḥ kārmaṇasambhavaḥ ||74 kārmaṇaṃ cāsya nāsāyāṃ nāsāṃ spṛśati yanmuhuḥ | naṭenoce kārmaṇasya tvaṃ jānāsi pratikriyām ||75 dhanvantarirathācaravyau kārmaṇānāmaśeṣataḥ | vidhi pratividhi vedmi tato'vādīnnaṭaḥ punaḥ ||76 puṇyātmanneṣa rājāsīccedamuṃ kuruṣe paṭum | dāridyamudrā dravati tadā saptakulāt tava ||77 tataḥ proce'gadakāraḥ karomyenamanāmayam | tvaṃ cedaktani(?)huḍukīdugdhamānayase sakhe ||78 trilāhaviṣaye sā ca tuṅge gośaṅgaparvate || tasyā amūnyabhijñānānītyavādībhiṣagvaraḥ ||79