Lilavatisara p283

p283

līlāvatīsāre naṭaḥ pratītapuruṣāṃstannimittamathādiśat | taiśca tadauṣadhīdugdhamāninye svagṛhādiva ||80 vaidyena vidhinā tacca prayuktaṃ tasya bhū bhujaḥ | praśāntakārmaṇodgāraḥ so'cirāt praguṇo'bhavat ||81 aho tava parijñānamaho tava cikitsitam | iti praśaṃsan śailūṣo doṣajñaṃ bahvapūjayat ||82 kathaṃkāramihāsmīti rājñokte bharato'bhyadhāt | svānubhūtaṃ vyatikaramarisiṃhāya bhū bhuje ||83 tato rājā'vadad yāmaḥ svapuryāmadhunaiva hi | naṭo'vādīdevameva gacchatāṃ deba no śubham ||84 yato rājya nidhānaṃ ca parahastagataṃ yadi | na labhyate labhyate vā parayā śaktisampadā ||85 tato'risiṃho'vādīt kiṃ prāptakālamihādhunā | tau ca dhanvantarinaṭau ta vyajijñapatāmiti ||86 yadāvayorgṛhe lakṣmīḥ sa prasādastavaiva hi | yat sarāṃsi prapūrṇāni tat payodavijṛmbhitam ||87 tadimāṃ svaramāṃ deva mānayātraiva tiṣṭha ca | āvāṃ punastatra yāvaḥ svāmikāryasya siddhaye ||88 naṭavṛttyā pradhānānāṃ kariṣyāmi bhidāmaham | vaidyastu tasya bhūpasya bhaiṣajāt kīrtiśeṣatām ||89 asmad vijñaptyaiva pādo'vadhāryastatra bhū bhujā || ityuktvā naṭavaidyau tau jagmaturvijayāṃ purīm ||90 naṭena ghaṭitaṃ nāṭyamarikesariṇaḥ puraḥ | tatrāgate rasabandhaṃ sūktamekaṃ naṭo'paṭhat ||91 kṛtaṃ vetti guṇān vetti vetti vijñāpitaṃ sudhīḥ | sevakasya sthitiṃ vetti svāminastasya kopamā ||92 prajage nanṛte vyāpya tadevāsyānucāribhiḥ ||
raṅgaprasaṅgāt punarapyapāṭhīt pāṭhavinnaṭaḥ ||93 88.1. svaragāṃ.