Lilavatisara p306

p306

daśama utsāhaḥ
yathā - kelīgṛhe'trāsmi pūrvamāyāsyāmi priye dhruvam | tvamapyudyānikāvyājādeyāḥ sāyaṃ ghanastani ||145 tacca nyastaṃ tena puṭayāṃ sā ca tasyāḥ kṣaṇāntare | sameyuṣyā dade dāsyāstayā devyāḥ samarpitā ||146 devyekānte ca paśyantī tadvyalokata patrakam | muhurmuhurvācayantī yāvat tiṣṭhati harṣulā ||147 atrāntare kañcukinā devī vijñāpitā yathā | devi devaḥ samaitīti mā bhūdatyākulā tataḥ ||148 abhyāyāntyāstato devyā bhraṣṭaṃ tatpatrakaṃ bhuvi | rājñā cāgacchatādāya vācitaṃ hī vidhevidhiḥ ||149 papracche kamalā rājñā kimetaditi sā''kulā | jāne nāsmītyabhyadhatta ki vā'nyad vaktu sā tadā ||150 pṛṣṭā dāsyaḥ kasya haṭṭād gandhānānayatādhunā | ūcustā dhanadevasya tato rājā krudhā'bhyadhāt ||151 are re taṃ durācāraṃ kṛttanāśākaraśrutim | kharamāropyetidoṣaghoṣaṇena purāntare ||152 bhramayitvoccaśūlāyāmāropayata tatkṣaṇāt | tato'sau vyaṅgitāṅgastaistathā'bhrami pure'bhitaḥ ||153|| yugmam krameṇa prāpto'sau sādhupratiśrayagṛhāgrataḥ | dadarśa tatra ca munīn dāntān śāntān mahātmanaḥ ||154 atrāntare svayogenāguṇyata kena sādhunā || tasya tādṛkpāpabhāvidurgatyuddhārabandhunā ||155 arahaṃtanamukkāro jīvaṃ moei bhavasahassāo | bhāveṇa kīramāṇo hoi puṇo bohilābhāya ||156 udgahītaṃ ca tenedaṃ vaṇijā tattvatṛṣṇajā |
guṇayanneva tadasau śūlāyāṃ hā'dhiropitaḥ ||157 145. ghanasnāli.