Lilavatisara p307

p307

[158-166 tato'cintyadhāmnā tasya bhavyatvapākataḥ | kaṣāyālpatayā''tmīyatādṛkpāpātinindayā ||158 āyauvanāddṛṣṭirāgadaurātmyaparigarhayā tiryaṅnarakagatyākhyadurgatidvāravāraṇāt ||159 madhyamaguṇasampattyā tattatatsādhūpabaṃha [ṇāt ] | tatpāṭhasya parāvṛttyā sa narāyuruṣārjayat ||160|| tribhiviśeṣakam kṣaṇād vipadya kauśāmbyāṃ mahāpuryāmihaiva hi | dhanasya sārthavāhasya dhanadasya śriyāṃ bharaiḥ ||161 śīlalakṣmīsubhadrāyāḥ subhadrāyāśca yoṣitaḥ | sa jīvo dhanadevasya nandanaḥ samajāyata ||162|| yugmam dhanadeva iti nāma pitṛbhyāṃ tasya nirmame | prācīnabhavatannāmnaḥ kathañcicchravaṇādiva ||163 sa ca tvameva sumate svamatyedaṃ vibhāvaya ||
yena svānubhavāt te'pi draḍhīyān pratyayo bhavet ||164 īhāpohādi kurvannatha khalu dhanadevaḥ sa sārthādinetā
jātismṛtyā parīto nijajananacatuṣkaṃ yathāvaddadarśa | śrīsū rendoḥ padābje nyapatadatha tataḥ saṃyamadhi kilāptuṃ
vijño vyajñāpayacca atitilakabhavābdheritastārayermām ||165 sugururabhayadevo bhaktiracchā jinokte viratirakhilapāpācceti kaivalyahetuḥ | vilasati bata sampratyadbhutā yogyatā bhoḥ paramavahitihṛdya śrūyatāṃ śrotravṛttam ||166
iti śrīnirvāṇalīlāvatīmahākathetivṛttoddhāre līlāvatīsāre jināṅke
cakṣurindriyavipāka-vyāvarṇano nāma daśama utsāhaḥ * ||

166.4. parasava'.