Lilavatisara p308
Līlāvatīsāra p308
p308
ekādaśa utsāhaḥ
atha śrīmān sudharmaśaḥ sudharmeśastutakramaḥ | śrīvijayasenarājamukhebhyaḥ punarādiśat ||1 śrotraṃ vaḥ prīṇyate śrotrasvarūpotkīrtanāpathā | ko na hi prīyate'sau svarūpasyotkīrtanādiha ||2 asau śravaṇahariṇo gītimākarṇya hāriṇīm | yānapānāśanatyāgāt prāṇānna gaṇayatyapi ||3 akharvagāndharvarāgāt śrotramattamataṅgajaḥ | nibiḍaṃ bandhamātmānaṃ nayate na yataḥ sukham ||4 ādau śṛṇoti gītādi yuvā kautukamātrataḥ | satkalaiṣeti muditastato'bhyasyati gāyati ||5 kramakramāt tataścaiṣa tiraskṛtya kriyāntaram | manute gītavātūlo gītamekaṃ jane phalam ||6 cāraṇairgāyakabhaṭṭairatyuccaiḥ kṛtyavarṇitaḥ | anīdṛśo'pi cedṛkṣaṃmanyasteṣu dhuvṛkṣati ||7 veṇuvīṇāmṛdaṅgādidhvaniḍambaragarbhitām | gītihālāṃ piban mūḍho hā dharmārthī prahāpayet ||8 vīṇātrisarikāsāraṅgikārāvaṇahastakān | paṇyāṅganāgānagarbhān sudhāpāyaṃ pibatyasau ||9 pānagānarasāveśāt prasaṅgādagrato'grataḥ || cokṣācokṣavyavahāraṃ hā hārayati pātakī ||10 atha paṇyāṅganāgītakaṭākṣasmarasāyakaiḥ | prabhinnacetā pahilo hā mahelāḥ karoti tāḥ ||11 gītādivyasanāt tāsāṃ sarvasvasyāpi dāyakaḥ |
mugdho na gaṇayet kośakṣayaṃ rājyakṣayaṃ na ca ||12 12.4, varūpa. 7.1. •rgāthakai. 8.1. tāraṃ'. 8.3. pānā' 11.1. pānā'.