Lilavatisara p320

p320

159-172] akādaśa utsāhaḥ
251 kimetaditi saṃbhrānto yāvadeṣa vyacintayat | tāvat prajñaptyā'sya karṇe vyajñapyata rahasyavat ||159 devāyodhyāpure devadevaṃ śrīdharmatīrthapam || abhyāyātaṃ mudā nantuṃ yānti khe khecarā amī ||160 athāśanijavo'vādīdāsannān khecarān prati | prabhu nantuṃ gamyate bhoḥ satvaraṃ deva gamyate ||161 tato vimānaṃ vikṛtya kṛtyavit saparicchadaḥ | tadāruhya drutaṃ prāpa śrīdharmasvāmino'ntike ||162 vidhinā sa prabhuṃ natvā sāntaḥpuraparicchadaḥ | upaśakaṃ niṣasāda śakalīlāṃ viḍambayan ||163 tatrāntare bhagavato deśanāratnarohaṇāt | kecit samyaktvamāṇikyaṃ deśavratamaṇi pare ||164 kecicca cāritracintāmaṇimapyupalebhire | paryupāstirbhagavatāṃ na kasyā'pyavakeśinī ||165|| yugmam deśanoparame svāmī devacchandamaśiśriyat | sarvā api pariṣadaḥ prāyaḥ svāspadamaiyaruḥ ||166 asmin kṣaṇe samāgatya devenaikena sādaram | ūce madanamañjūṣā vande tvāṃ śrāvikottame ||167 tayā'pyutthāya cakre'syā gorakhāt prativandanam | sadācāravidhau santaḥ pramādyanti kvacinna hi ||168 tadā'śanijavasyāsīd gṛhāyotkaḥ paricchadaḥ | tataḥ sa devo'vag vidyābhṛtpate kṣaṇamāsyatām ||169 pratiśrutaṃ khecareṇa sureṇārambhi bhāṣitum | saumye madanamañjūṣe sāvadhānaṃ niśamyatām ||170 bhaginī te'sti yā ladhvī puruṣadveṣiṇī kila, | sā prācyajanmapatinā'vivāhyamaraketunā ||171 sā''khyat kvāsau kathaṃ vā'syā janmāntarapatiḥ sa ca |
kimarthaṃ ca tvaṃ bravīṣi devo'vag śrūyatāṃ śubhe ||172 161.3. taṃtuṃ. 163.3. upaśakaṃ.