Lilavatisara p321

p321

[173-184 asyaiva jambūdvīpasyairāvate parididyute | satyābhidhaṃ candrapuraṃ puraṃ candramukhīmukhaiḥ ||173 tatrāsīt somadattākhyo dvijaḥ ṣaṭkarmakarmaṭhaḥ | caturdaśānāṃ vidyānāṃ tattvavittatpraṇetṛvat ||174 tasya priyā somabhadrā somādityastayoḥ sutaḥ | sarvavidyaḥ kṛtaḥ pitrā sa ca sarvajñamānyabhūt ||175 dīkṣitabrahmadevasya nandanā hṛdyadarśanā ||
sudarśanā tena mudā pitṛbhyāmudavāhyata ||176 itaśca - samyagjñānalatāvitānamudiraḥ samyaktvaratnākaraḥ
pravrajyāpramadābasantasamayaḥ śaśvattapaḥśrīpriyaḥ | nānālabdhinadīnadīparivṛḍhaḥ puṇyasvakośo dṛḍha
statrāgād dṛḍhadharmasū ritilakaḥ ṣaṇḍe sahasrāmrake ||177 kalpadrumamivodītaṃ śrutvā'gāt taṃ namasyitum || sāntaḥpuraparīvāro jitārirvasudhādhavaḥ ||178 pradakṣiṇayya natvā ca yiyāciṣurivepsitam | kṛtāñjaliḥ sa urvīśo nyavikṣata guroḥ puraḥ ||179 saddeśanāsetubandhaḥ prabandhena garīyasā | bhavāmbhodhi lavayituṃ babandhe sūriṇā tataḥ ||180 somādityo'śṛṇodrājā sū ripārśve yayāviti | tato'hamānī sāmarṣaḥ sa cintāṃ cakṛvāniti ||181 tatra gatvā rāṭsamakṣaṃ taṃ jitvā ca sitāmbaram | nṛpaṃ vipariṇamayya svaṃ yajamānamādadhe ||182 vicintyeti so'bhimānī tatrāgatyābhyadhād gurum | kimevamatyuccagirā virasaṃ rāraṭīṣi bhoḥ ||183 guruḥ - sarvajñopajñadharmoktau virasaṃ mūḍha kiṃ nanu |
ajīrṇadoṣiṇo yadvā yāti pathyamathyatām ||184 179.2. yiyācipu.