Lilavatisara p340
Līlāvatīsāra p340
p340
ekādaśa utsāhaḥ
apakīrtiphalaṃ janmāntaropāttaṃ kukarmataḥ | svāmyakarmāpekṣamevamaparādhaṃ vyadhāt prabhoḥ ||416 uditaḥ puṇyataścandrastārakaiḥ parivāryate | tatkṣayād bhāsvadudaye sa taireva vimucyate || 417 sudinodayato bhāsvāṃstathā pratapati prabho |
tatkṣaye so'pi rakto'pi sandhyā taddhvānta (?) māpyate || 418 paśyatāmudayatyarkaḥ paśyatāmastamīyate |
sampadāṃ vipadāṃ prāptau vadan svalpamivāntaram || 419 kiñca
-
eka evāyāti garbhe jāyate'pyekakaḥ sphuṭam | hastyaśvarathapādātaśriyo'bhyāyānti puṇyataḥ ||420 puṇyakṣaye sa evānyaiḥ jito'yati nagāntare | svāmin somakathā'trārthe prasadya śrūyatāṃ kṣaṇam ||421
somo nāma nṛpo nityaṃ sammānayati sevakān | duṣkarmato'tha dāyādaiḥ prārabdho'tyāji sevakaiḥ ||422 dāyādamilitaistaiḥ so rājyānnirghāṭito haṭhāt | puṇyodaye'tha taireva sa rājā vidadhe punaḥ ||423 tuṣṭaḥ sa rājā teṣvādhāt prasādamati hi prabho | asmaduṣkarmanirmārta mantuṃ kṣāntvā prasīda tat ||424 tvatpāda sevāhevākaḥ parisphūrjati ko'pi naḥ | lajjayā neśmahe'bhyetuṃ pramāṇaṃ deva eva naḥ ||425 atha devyavadad bhadra nāparādho'tra ko'pi vaḥ | karmaiva sarvasattvānāṃ vitanoti śubhāśubhe ||426 tadatrāyātanirbhīkāḥ prabhuṃ praṇamatāñjasā | vardhāpanāni kurvīdhvaṃ rāṭprasādān pratīcchata ||427 atrāntare'maraketurdhūmaketuriva jvalan | prāha priye meti vādīreṣāmāgaḥ phalaṃ dade || 428