Lilavatisara p341

p341

are puṇyaiścet kṛto'haṃ bhavadbhiḥ kiṃ phalaṃ mama | kurvīdhvaṃ śaraṇaṃ kañcidavaśyaṃ mārayāmi vaḥ ||429 tacca śiṣṭaṃ tena gatvā pradhānānāṃ tataśca te | niścikyumriyate kṣatrācāreṇa na punarmudhā ||430 aikamatyena taiḥ sevyaṃ sarvaṃ svasya nṛpasya ca | sadyaḥ saṃvarmayāñcakre tadadhīnaṃ hyado'khilam ||431 tataḥ punaḥ śaktibhaktiyuktaṃ bhāṇayituṃ vacaḥ | prahitastairjagau bhūpaṃ pracuraścaturānanaḥ ||432 phalito'pi tilastaṃbo niṣpatro'tra yadaśnute | tadasmābhirvinā'vaśyaṃ vidyābalyapi lapsyase || 433
kiñca
tamo vigṛhya raviṇā prāptaṃ tejasvinā'pi kim | pṛṣṭhalagnasyāsya bhiyā kilaikaḥ paryaṭatyayam ||434 tejasvibhiryuto dhvāntajayīndu śobhate yathā | tathā'smābhiḥ kṛtakośapānaḥ śobhipyase dhruvam ||435 atha vidyāmadād yoddhumasmābhirabhilaṣyasi | tadāgacchāśu yannadyāṃ savidyo'pi pravāhyase ||436 posphūryamāṇādhareṇa kopinā'maraketunā | tataḥ svavīrā aucyanta yudhyadhvaṃ tairyutā'thavā ||437 vīrā udīrayāmāsurnaiṣā nītiḥ kṣitīśvara | pradhāneṣūpasthiteṣu vaimukhyamadhipasya yat ||438
--
anyacca
kopāṭopo yadapyeṣu svāmino nopaśāmyati | tathā'pyalakṣyabhāvo'dya devo vyāharatāmamūn ||439 kālāntare punardoṣāntareṇāmūn yathocitam | nigṛhṇīyāḥ saṃpradhāryā'nugṛhṇīyāḥ prasadya vā ||440
-