Lilavatisara p342

p342

kiñca -
bālāṅganādiloko'tra sarvo'pyekamukhaḥ prabho | etaṃ caikamukhaṃ jetuṃ śakro'pi hi na śaknuyāt || 441 tat prasīda prabho sammānaya sāmantamantriṇaḥ | hastyaśvakośādyadhyakṣān svasāt kuru yathā tathā || 442 tān pratyūce tato rājā guruhuṅkārapūrvakam | na vartadhve mamājñāyāṃ ced yūyaṃ yāta taddbhutam || 443 teṣāṃ sahāyā bhavata tān yuṣmāṃścakahelayā | pātālagānapyavaśyaṃ hanmyevāhīn suparṇavat || 444 punaḥ pravīraistairūce bhagnabhāgyo'si bhūdhava | tathā'pi pratyāvṛttyā te'smākaṃ citrīyate manaḥ || 445 yadvā phalarddhayaḥ kāścit pāpaspṛkpuṇyasambhavāḥ | vaṃśasyeva prapātāya jāyante pātakodaye ||446 puṇyaśūnyasya vidyā'pi sphuriṣyati na te dhruvam | snehahīnasya vīrasya kiyat tejo vijṛmbhate || 447 durvacāṃsi na hīhaṃśi saṃsyuḥ puṇyavataḥ kvacit | karpūrapātrādugāro nāmedhyasya kadācana || 448 yadā'smābhirapi tyaktastadā tyakto'subhirdhruvam | jalaistyaktā jalacarāḥ prāṇanti prāṇinaḥ kiyat ||449 rājasiṃhāsanamidaṃ mandabuddhe tyaja drutam | sūrasyāsanamadhyāste na suto'pi śanaiśvaraḥ ||450 yacca vidyābalaṃ bāhubalaṃ yacca balāntaram | tadeva saṃsmaredānīṃ nedīyāṃstava daṇḍabhṛt ||451 devyā'tha punarapyūce pṛṇa deva paricchadam | akāṇḍe maiva sarveṣāmapakārapa bhava || 452
450.3. śūra.. Lila.-35
ekādaśa utsāhaḥ
kiñca
paramārthena na svāmin ko'pi kasyāpi sevakaḥ | prajvalantīṃ diśaṃ sarvaḥ samāśrayati netarām ||453

-