Lilavatisara p368

p368

dvādaśa utsāhaḥ kaccit candraśekharasya matsvasuśca jayaśriyaḥ | tatputraharicandrasya kuśalaṃ sarvato'pi hi ||268 devadevātivātsalyāccheyo'styevāsya kiṃ punaḥ | yakṣiṇīdhātuvādādau haricandrasya kautukam ||269 anyadā yoginaikena yakṣiṇīmantra īritaḥ || kumāro'pṛcchat tacchakti yogyuvāca śaṇu prabho ||270 yadyeṣā yakṣiṇī sidhyet tadā vaśyaṃ jagad bhavet | kośo'kṣayo vyomni gatistadārādhaya yakṣiṇīm ||271 kumāreṇaiṣa papracche ko nvasyāḥ sādhanāvidhiḥ | so'vak kṛṣṇacaturdaśyāṃ śmaśāne'yutajāpataḥ ||272 nṛmāṃsapalasahasrahomāt sidhyati yakṣiṇī | uttarasādhako'smyeko'nye catvāraścaturdiśi ||273 bibhīṣikāsūtthitāsu jāpaikāmyaṃ viśeṣataḥ || maduktaṃ cādarāt kārya kumāreṇa pratiśrutam ||274 tataḥ kṛṣṇacaturdaśyāmanāpṛcchayaiva bhū bhujam | kumāraḥ sarvasāmagrayā 3maśāne yogiyuga yayau ||275 digarakṣake puṃścatuṣke yoginyuttarasādhake | mantrajāpaḥ samārebhe kumāreṇaikacetasā ||276 ardharātraṃ kṛte home vijityomā vibhīṣikāḥ | pañcamāṃsapalaśatī . juhuve nṛpasū nunā ||277 athāgnikuṇḍāduttasthau vetālo vibruvanniti | vidyāsādhakamavyayuttarasādhakamami vā ||278 bhīto yogī tato hantumārebhe tena sa drutam | pāpminā yoginā'thoce pāhi pāhi kumāra mām ||279 maduktaṃ kāryamityetad vacaḥ saṃsmṛtya bhūpasūḥ | muktvā homaṃ khaḍgapāṇivetālaṃ pratyadhāvata ||280 vetālo yoginaṃ lātvā diśamekāmadhāvata |
kumāraśca tamanveva mahāraṇye gatāvubhau ||281 275.2. amāvṛcchayaiva.