Lilavatisara p374
Līlāvatīsāra p374
p374
dvādaśa utsāhaḥ prabhoḥ purastādīhādi kurvāṇo'tha nṛpāṅgajaḥ | mumūrccha sa ca devena siṣice gandhavāribhiḥ ||346 tālavṛntānilahṛtātucchamūrchaḥ parāpa ca | jātismṛti jagannāthakevalasyeva varṇikām ||347 prabuddhaḥ śrīkumāro'tha tamuvāca surottamam | tavānuśāstimicchāmi sādhu sādhvasmi bodhitaḥ ||348 aho te satyasaṃdhatvamaho te'nyopakāritā | aho svārthānapekṣitvaṃ tavāho sādhusauhṛdam ||349 yanna śrutaṃ yanna dṛṣṭaṃ yannarāṇāṃ na gocaraḥ | bhūrbhuvaḥsvastrayaṃ tanme'dhyakṣaṃ tvanniśrayā'bhavat ||350 tataḥ surakumārau tau namaskṛtya jagatprabhum || vaco'pātāṃ sudhāpāyamaho puṇyodayastayoḥ ||351 jinavyākhyāvasāne ca gatau tau taṃ nadīhradam | śāntayitvā hastinaṃ tamāropya nṛpanandanam ||352 nirvighnamastu te vīra pratibadhyasva mā kvacit | kārye smāryo'smīti coktvā śūradevo divaṃ yayau ||353|| yugmam dvipārūḍhaḥ kumārastu prasthitaḥ svapuraṃ prati | pade pade svaśibiraṃ cintāturamavaikṣata ||354 kumāraṃ ca tathā yāntaṃ prekṣya sarve'pi sainikāḥ | marālā mānasamiva prahṛṣṭāḥ paryavārayan ||355 śrutvā svaputrābhyudayaṃ samudro'bhyāgamannṛpaḥ || tamastomaḥ kṣayamagānmudadvaitaṃ vyazambhata ||356 bhuktyuttaraṃ śrīsamarasenaḥ satvaramabhyadhāt | jayaśekharabhuvanamañjaroṃ pitarāviti ||357 amba tāta mayā jñātā viṣayā viṣasannibhāḥ ||
āpātamātramadhurāḥ pariṇāme'tidāruṇāḥ ||358 347.1. 'tānala'. Lila.-39