Lilavatisara p375

p375

[359-368 tadalaṃ tāta bhogairbhe kintu cāritrasenayā | muktirājyamarjayāmi jayāmi bhavavairiṇam ||359 tato mātā'vadadvatsa tvaddīkṣāvacanaśruteḥ | hṛdayaṃ me sphuṭatīva mā vādīstadidaṃ punaḥ ||360 kumāro'thābhyadhānmātaḥ ko'yaṃ śokodayastava | jayaśriyo hyāgame syāt pratyuta pramadodayaḥ ||361 mātā - svairaṃ vilasa sāmrājyasampadā yauvanāvadhi | bhuktabhogastato vīra ramethāḥ saṃyamaśriyā ||362 putraḥ - yasyāsti mṛtyunā sakhyaṃ yaḥ śakto'taḥ palāyitum | yaścājarāmaro'trāsti mātarbhogecchurastu saḥ ||363 mātā - atipriyo'si me vatsa jīvāmi tvāṃ vinā na hi | yāvajjīvāmi tadahaṃ tāvanmā saumya niṣkramīḥ ||364 putraḥ - yathā pradīptāt sadanānnirgacchan vallabho janaḥ | na vāryate vāryate na tathaiva bhavacārakāt ||365 mātānirāsvādā vālukāvaduścarvā yā javā iva | dīkṣā jñeyā jinendrāṇāmatra bhagnā mahārathāḥ ||366 putraḥ - - niḥsattvānāṃ sarvametat kintu sarve na tādṛśāḥ | vinā sattvaṃ gṛhamapi dunirvāhamasaṃśayam ||367 dhanyo'si sarvathā vatsa saṃyamaṃ yaḥ prapatsyase |
kintvanujñāpya pitaraṃ duṣkaraṃ vratamāśṛṇu ||368 365.4. cārakān .