Lilavatisara p76

p76

7-88
prathama utsāhaḥ
marīcivīcinicite sa riṅkhan maṇikuṭṭime | jalakrīḍāmivābhyasyan mṛgākṣībhinirakṣyata ||75 taṃ dhūlīdhūsaramahaṃpūrvikāto'ṅkamāpya tāḥ || tadrajo'jhe lagaccāndrocūlanaṃ kila menire ||76 mahīndrardaktaraṅgaistaṃ snāpyamānaṃ vahan hṛdi | siṃhāsanasthaḥ kṣamāśakraḥ śakalīlāmadhatta tām ||77 tamūbhūya hastābje svarṇavarṇa vahannṛpaḥ | karasthahemakalaśasnātrakāraśriyaṃ dadhau ||78 namrāgrakāyo bhramayannagulyā'muṃ sa kuṭṭime || lolallumbibharānamrarambhāstambharamāmadhāt ||79 dhanyaṃmanyaiḥ sa ninye'ṅkamakādavanināyakaiḥ | cakravāka ivormībhiḥ kamalāt kamalāntaram ||80 bandhūnāṃ nāmadheyāni śikṣyamāṇaḥ sa kīravat | avāṇo manmanaṃ pitroḥ śrutyoḥ pīyūṣamakṣipat ||81 prakvaṇantau virejāte tatpadodivyagharau | jagaccintākṛṣṭimantrapāṭhako māntrikāviva ||82 calato'sya hṛdi jhalajjhalantī ca lalantikā | cakāśe kaustubhamaṇirmurāreriva vakṣasi ||83 calācale navamaṇī kuṇḍale tasya rejatuḥ || kalādānārthamāyātau surāsuragurū iva ||84 sa cūlāratnacūlābhūddivyarūpamanoramaḥ || sañcakāsāṃcakāroccaireṣo'surakumāravat ||85 salīlaṃ prāṅgaṇabhuvi krīḍitvā siṃhaśāvavat |. adhyāruroha dhāvitvotsaṅgameṣa mahībhṛtaḥ ||86 savayobhiḥ sarūpaiḥ sa kumāro rāṭkumārakaiḥ | . cikrīḍa nandanākrīḍe jayanta iva nirjaraiḥ ||87 itthaṃ vividhalīlābhirvardhayan jagato. mudaḥ | .. vardhamāno'nukrameṇa sa babhūvāṣṭavārṣikaḥ ||88.