Lilavatisara p77

p77

līlāvatīsāre kalācāryāya nṛpatirnāmnā kuśalabuddhaye || mahīyasotsavenādhyāpayituṃ tamathārpayat ||89 dṛṣṭamātrāṇi śāstrāṇi so'dhyaipṭa sakalāḥ kalāḥ|| sañjātajātasmaraṇa iva sannibhadarśanāt ||90 tathāhisapañcāṅgaśabdavidyāsāhityānvīkṣikīmukhān | sarahasyānapādgranthānnadīpūrānivārṇavaḥ ||91 upāyaśaktiṣāḍguṇyādikanānādhvasaṅkulām | so'laviṣṭa sudurlaṅgha rājanītimahāṭavīm ||92 aṣṭottaraśatavyādhitamisrakasahasraruka cakre tena manaḥsthāsnurāyurvedaḥ svanāmavat ||93 caturdhā'bhinayātodyavṛttitūryatrikādbhutam || gāndharvavedamakhilaṃ so'budhabharatādhikam ||94 yatayātamadāvasthādantaghātādidīpakam vidāñcakāra sa kariśāstraṃ tacchāstrakāravat ||95 nānāvidhāvatadhārācikitsormibhirākulaḥ | tenāśvalakṣaṇāmbhodhiḥ kumbhodbhavavadāpape ||96 niyantritasya(?) daśadhā rādhāvedhādibhedataḥ | so'stravedamanirvedaṃ viveda śvetasaptivat ||97 itthaṃ kalābhiḥ sarvābhiḥ saṃpūrṇaḥ pūrṇimenduvat | bhūṣaṇairiva ca guṇairbhūpyate sma sa sarvataḥ ||98 athākhilakalāvallīvilāsadrumavekṣya tam | upādhyāyaṃ nṛpo'bhyacat kalpadrumamahepayan ||99 tato guṇagrāmakalākalāpakamalāmayaḥ || yaśaḥśaśī kumārasya samudajvalayajjagat ||100 pitṛbhaktirdayā dānaṃ darśanārcanamityadaḥ | tattvaṃ sattvamivaitasya sadā'pi sahacāryabhūt ||101