Lilavatisara p85

p85

[ 191-204 sūkṣmabuddhisubuddhayādi niveśya mantrimaṇḍalam | yena tanmantraśaktyā syānnirdoṣaṃ tava maṇḍalam ||191 rājye pure ca dharme ca ye syuḥ kecana kaṇṭakāḥ | tyājyāste dūrato yena syāt teṣāṃ sukhasevyatā ||192 ṣaḍdarśanī rakṣaṇīyā nirbādhā yadiyaṃ mithaḥ | ... svasvapuṇyopārjanātaḥ ṣaḍaṃśaṃ te prayacchati ||193 akṣāṇāṃ cāntarārīṇāmapi ṣaṭakaṃ vaśaṃ naya | tajjayairdvādaśātmā'stu pratāpaste'ti bhāsvaraḥ ||194 iti rājapathe samyag gacchataste mahīpate | bhaviṣyatyatra cāmutraṃ śivaśrīruttarottarā ||195 netrapātraḥ karṇapuṭairiti śikṣā sudhāmasau | pibannudañjali piturmudadvaitaṃ batātanot ||196 putroparodhena rājyaparipanthanayā vinā | dīkṣonmanā apyathāsthād rāgṛhe'hāni katyapi ||197 athopacitasaptāṅgaṃ pravahaddānanirjharam | rājasiṃhaḥ siṃharājo batāvad rājyakuñjaram ||198 praśāsati mahīṃ tatra svasevaka ivāmbudaḥ | garjan śrutisudhāsāraṃ samayaṃ nātyavartata ||199 parasparaspardhayeva bibhratyaḥ phalasampadam | ahampūrvikayā sarvoṣadhyastamupatasthire ||200 agaṇyaratnasantānā vṛddhimantaḥ padaṃ śriyaḥ | samudrāstasya maryādāṃ nātijammurjanāḥ kvacit ||201 sādhubandhūkṛtāśeṣajagato'muṣya sīmani | dasyavo nobhaye'pyāsan deśanoāmivārhataḥ ||202 na taptaṃ vātamapi hi sahate sma svamaṇḍale | itīhāntakanāsīraṃ dubhikṣaṃ jambhatāṃ katham ||203 viṣvaga nivāritāśeṣamāriprabhatipāpmanaḥ | tasyoāmānaśe mārivikāśaṃ manāgapi ||204