Lilavatisara p86

p86

prathama utsāhaḥ tasmin vijayamāne śrīdoṣajñaikaśiromaṇau | sātakā iva cātakā nirīkṣyanta na tadbhuvi ||205 nīrujaḥ pūrṇabhogāyu ginaścākutobhayāḥ | janāstadbhuvi yugaladharmirūpā ivāśubhan ||206 dharma svavidviṣaṃ tasya nityaṃ pārśvakavartinam | adharmo dhruvamākarṇya prācaranāsya nīvṛti ||207 avasthitaśriyaṃ sphāyacchrīramayopibhogadām | māmatyopabhogyā ca vijigye divamasya bhūḥ ||208 pratāpenaiva namati sarvato rājamaṇḍale | kulavṛddheva pūjyā'sya caturaṅgā camūrabhūt ||209 kiṃ bahūktaistathā tatra rājñi rājyārṇavo'vṛdhat | yathā'tra jaivātṛkāḥ śrīśrīdharāḥ koṭiśo babhuḥ ||210 anyadākasmikātaṅkājjayadharmamahīpateḥ vidhoviṃdhuntudagrāsādivābhūdatyapāṭavam ||211 tato'tisambhramabharātyākulībhūtacetasaḥ sahasā siṃhabhūpādyāḥ piturantikamāsadan ||212 sadyaḥ siṃhanṛpāhūtāḥ piturārogyahetave | vaidyā naimittikāḥ | sarve dharma jīvātumūcire ||213 aśrāntabāṣpavṛṣṭyā'tha paṅkilīkṛtabhūtalaḥ | siṃhabhūpo'vadad devatīrthe pādo'vadhāryatām ||214 tataḥ śrījayadharmāce dharmatattvaviśāradaḥ | viśāṃpate śṛṇu dharmarahasyaṃ sadgurūditam ||215 rāgadveṣavinimukto brahmacārī jitendriyaḥ | sarvasattvahitodyuktastīrthamātmaiva dehinaḥ ||216 malamaṅgāśritaṃ toyaiḥ śodhayanti kubuddhayaḥ |
tīrthe jīvāśritaṃ pāpaṃ dhyānāmbhobhinivartate ||217 207.4. nīvṛtiḥ Lila-3