Lilavatisara p90

p90

prathama utsāhaḥ

athācakhyau pravāk ko'pi svāmin śṛṇvavadhānataḥ | nirhetukaṃ na kāyaṃ syāt sarvatrātiprasaṅgataḥ ||257
kārya ca dehastaddhetoḥ pitṛmātraṃ na vā'sya saḥ | pitṛputrā naikarūpāstad vaicitryaṃ tu karmataḥ ||258 kulālabhāṇḍavaicitryaṃ tadbhogiprāṇikarmataḥ | jātismṛtirna nairātmye devāḥ sapratyayā na ca ||259 dānādyā niṣphalāḥ sarve sarvendriyajayo vṛthā | vṛthā vṛttaṃ ca pūrveṣāṃ bhuktimuktipadapradam ||260 kiñca - jñānādayaḥ kvacitsaṃsthā guṇatvād rūpavat prabho | na ca dehādisaṃsthāste tadbhade pratisandhitaḥ ||261 kṣityādau nāstitā teṣāṃ tataste pāriśeṣyataḥ || ātmāśritāstataḥ siddho jīvaḥ karma ca naikadhā ||262
tataśca -
yuktipramāṇādiviruddhametat sarvakaṣasyāsya khalasya vākyam | śrotuṃ na yogyaṃ naranātha kintu dūrāt sakarṇairapakarṇanīyam ||263
jalpāke'pi hi cārvāke tūṣṇīkāmupajagmuṣi | uttaravādivādena pramanā nṛpatirjagau ||264 medhānidhāna kastvaṃ bhoḥ prāñjaliḥ sa vyajijñapat | rājendra jinadatto'smi śrāvako jinabhaktibhāk ||265 karmasattve'pi nairātmye sthāpite saugatairatha | sāṅkhyaiḥ prakṛtikartṛtve puṃskauṭasthye ca kīrtite ||266 naiyāyikaiḥ sarvakṛttve sthāpite ca pinākinaḥ | bhaṭṭe ca vedanityatvasarvajñābhāvavādini ||267 rājñā prasannatāsārasṛṣṭayā dṛṣṭayā'tha noditaḥ | jinadatto
gurudattasphuratprātibhavaibhavaḥ ||268 257.2. nihatuka 262.4. jīvakarma