Lilavatisara p96

p96

dvitīya utsāhaḥ paropakārakāruṇyadānadākṣiṇyamandiram purandaraḥ śriyā tatra jajñe śreṣṭhī purandaraḥ ||13|| yugmam yadvaṇijyāputra ivodīcyāṃ prāpto'tilābhataḥ | tatraiva nityavāsyasthāddhanadaḥ saiṣa viśrutaḥ ||14 krayāṇakaṣaṣṭiśatatrayabhṛdbhāṇḍaśālakaḥ | sa sarvadigavahatsārthaḥ sārthapo dhana ityabhāt ||15|| yugmam te cāmātyādayaḥ sarve catvāraḥ suhṛdo mithaḥ | rājaprasādapātraṃ ca menire pitaraṃ nṛpam ||16 satyasandhaḥ sa rājā'pi taiścaturbhiḥ svamanvitam | yudhiṣṭhiramivāmaṃsta bhīmādyaiḥ parivāritam ||17 kiṃ bahunā - aikamatyāt kilaikātmyabhājaste pañca mūrtayaḥ | jinajanmotsavārambhe śakasyeva virejire ||18 anyadeṣāṃ rājasaudhaṃ samamebādhitasthuṣām | udyānapālastatkālodbhūtacūtāmramañjarīm ||19
dadhāno'bhijñānadarśanāyātivegataḥ | āgatya nṛpamānatya cakre vijñāpanāmiti ||20|| yugmam devādya nandanodyāne marudbhirdakṣiṇairvṛtaḥ | catursānyā catuṣpakṣyā khaṇḍayan jāḍyaviḍvaram ||21 doṣāṇāṃ lāghavaṃ tanvan puṇyāhānāṃ ca gauravam | udāramaurabhodgāraiviśvameva pramodayan ||22 rājahaṃsasamullāsaṃ sadārambhodayaśriyam | sumanaḥśreṇivīkāśaṃ vidadhānaḥ pade pade ||23 gururājaśrīsudharmā sādhubhaṅgaiḥ pariṣkṛtaḥ || ṛturājo vasantaśca samaṃ samavasasratuḥ ||24||
catubhiḥ kalāpakam svarṇalakṣaṃ dadau tasmai kṣmāpatiḥ pāritoṣikam |
kalpadrumāśca bhūpāśca prasannāḥ kurvate na kim ||25 15.1. ṣaṣṭaḥ 20.3. nṛpanānatya.