Lilavatisara p97

p97

[26-39 tataḥ śrīvijayasenaḥ senayā caturaṅgayā | sāntaḥ puraparīvāro'dhirūḍhajayakuñjaraḥ
||26 mantrisauvastikaśreṣṭhisārthapaistaiḥ kareṇuṣu | samārūḍhailòkapālairivendraḥ parivāritaḥ ||27 taṃ caturjāninaṃ nantuṃ sudharmasvāminaṃ gurum | cacāla calayanmoharājadhānyā sahāvanīm ||28|| tribhirviśeṣakam tataścopavane tatroditaṃ gurumaruttaram | pradakṣiṇayya prāṇasīd bhūpatiḥ saparicchadaḥ ||29 sarvāśīḥsārasambhārasṛṣṭāmiva jagatpriyām | dharmalābhāśiṣa śreyaḥpuṣaṃ tasmai dadau guruḥ ||30 yathociti niviṣṭeṣu teṣu kṣitidhavādiṣu | śrīsudharmāsyakuharāt prāsaraddeśanāsarit ||31 jñānadarśanacāritraiḥ śuddhaḥ saṃbhūyakāribhiḥ | bhavyā avyākṣepataḥ śrīmuktirājyamavāpyate ||32 jīvādidīpo gajñāne tapaḥ prākṛtaśodhanam || saṃyamo . guptikṛccaivaṃ mokṣo bhavati niścitam ||33 teṣāṃ ca pratibaddhāro'śuddhikārā vināśakāḥ | pañcāsravāḥ pañca mohakaṣāyāḥ pañca khāni ca ||34 indriyairvijito mohakaṣāyairjīyate'sumān | tataḥ prāṇātipātādau sakto jñānādi hārayet ||35 hiṃsā krodhakaṣāyeṇa mānena bhaṇitima॒ṣā | caurikā kaitavenoccairmohenābrahmasaṅgatiḥ ||36 parigrahaśrīlòbhena kuṭumbīkṛtya varṇyate | tadācāraḥ sadṛṣṭāntaḥ śrīrājendra niśāmaya ||37 tatparīvārabhūtānāmakṣāṇāṃ tadanantaram | svarūpaṃ sodāharaṇaṃ kṣoṇīndrodāhariṣyate ||38 tathā hi - krodhāndhaścintayedraudraṃ niṣṭhuraṃ vakti sarvataḥ |
hitāhitaṃ na hi vetti hitādeśibhya īrṇyati ||39 33.1. prākṛta°.