Lilavatisara p98

p98

dvitīya utsāhaḥ mātaraṃ pitaraṃ bhāyīṃ bhrātaraṃ svopakāriṇam | nāpyapatyaṃ gaṇayati nirapekṣo hinasti ca ||40 hiṃsāparāyaṇaḥ saiṣa pāpātmā narakaṃ vrajet || nānākadarthanāstatra soḍhvā'saṅkhyamanehasam ||41 tasmāt kathañciduvṛttaḥ krūratiryakṣu jāyate || tatra niṣkāraṇakruddho hatvā hatvā bahūn paśūn ||42 punaḥ patati narake punaḥ punariyaṃ gatiḥ | . daivājjātu manuṣyeṣu jāto bālye'pi kopanaḥ ||43 pitṛbandhuṣu vidveṣī duṣṭācārābahiṣkṛtaḥ | bahuśastadvadhopāyān kurute karuṇojjhitaḥ ||44 rājñā'pahṛtasarvasvaḥ svadeśācca pṛthakkṛtaḥ | hā bhrāmyati videśeṣu yathā rājannayaṃ pumān ||45 sāmānyokto budhyate'tra mahatyāṃ naiṣa parṣadi | kiñcānena purā cake vyaktamākhyāhi tat prabho ||46 itthaṃ vijayasenena rājñā vijñāpito'bhyadhāt | śrīsudharmābhidhaḥ sū rirbhādrāmbhodakirā girā ||47 bhavantamuttareṇāste yaḥ prahārakṣatāṅgakaḥ | sa eṣa rājannākhyāto dṛṣṭāntaḥ krodhahiṃsayoḥ ||48 yathā'nena prāgbhaveṣu hiṃsākrodhaikacetasā | nibiḍaṃ duṣkṛtaṃ cakre tadidānīṃ niśamyatām ||49 bhārate gītagāndhāre budhairgāndhāramaṇḍale | śriyaṃ kāñcana bibhrāṇaṃ śrīkāñcanapuraṃ babhau ||50 tatra ca prākarmadoṣād vyucchinnapitṛbandhukaḥ | ābālyād bhaikṣavṛttyā ca duṣkarodarapūraṇaḥ ||51 paruṣāsabhyabhāṣī ca tadbhiyevojjhitaḥ śriyā | agniśarmā dvijanmā'bhūdagnivaddāhakārakaḥ ||52|| yugmam tatpitṛsneha to dattādhāro'sau śivaśarmaṇā | somābhidhānayā punyā kathañcit paryaṇāyyata ||53