Dvisandhana p186

p186

ndhanamayī meghaśarīramayī saṃvṛtiḥ kasya | bhānumataḥ sūryasyeva | ruci na hanti iti hetoḥ iha saṅgrāme (sa nārāyaṇaḥ kavacam) na amavīt badhnāti sma ||
udayādvibhūtiriva bhogagatiriva nayātprasādataḥ | sarvadhatiriva paraṃ puruṣaṃ jayadevatā gaṇatithāvṛta svayam || 11 || udayāditi || gaṇatithā gaṇapūraṇā jayadevatā jayaśrīḥ svayamātmanā paraṃ puruṣaṃ puruṣottama lakṣmaṇaṃ viṣṇum 'udayāt vibhūtiriva, nayāt bhogagativibhūtiviṣayā pravṛttiriva, prasādato nayaviṣayaprasannatāyāḥ sarvadhṛtiḥ samastasaṃtoṣa iva, avṛta vṛtavatī ||
dhvajamāruroha garuḍo'sya raṇamiva didṛkṣuruccakaiḥ | dhmātumiva kupitavahnimayaṃ hṛdi pāñcajanyamudapūri vairiṇaḥ || 12 || dhvajamiti || garuḍo raṇaṃ didṛkṣuriva, asya nārāyaṇasyoccakairuccataraṃ dhvajam āru. roha | tathā ayaṃ nārāyaṇo vairiṇo hṛdi kupitavahiṃ mātumiva pāñcajanyam udapūri || ninadena tasya mihirasya śarabha iva saṃmukhaṃ ripuḥ | prāpya kaṇayanikaraṇa rathaṃ parato yugadvayasamabhyadudruvat || 13 || ninadeneti || ripū rāvaṇo jarāsaṃdhaśca tasya pāñcajanyasya 'śarabho mihirasya meghasyeva' ninadena dhvaninā saṃmukhaṃ prāpya kaṇayanikaraṇa bāṇasamūhena rathaṃ yugadvayasam | pramāṇe dvayasac'| parataḥ paścādabhyadudruvadapasāritavān ||
varuṣā sahocchusitasūtagatiratha hariśca kampanaiḥ | tasya bhujamiva sadāśarathī raṇaśāntimicchariva ketumacchidat ||14 || svaruṣeti || atha svaruṣā nijakopena saha ucchṛsitasūtagatirucchasitā sūtasya sārathegatiryena, sa dāśarathī rāmo harirlakṣmaṇaśca raṇaśāntimicchariva tasya rāvaṇasya ketuṃ dhvajam 'bhujamiva' kampanairvāṇaicchidat || bhāratīye-ucchrasitasūtagatirucchasitabhaṭagatiḥ, sadāśarathī satī samīcīnā āśā vāñchāyeṣāṃ te rathino yasya sa harinārāyaṇaḥ | co'vadhāraṇe kriyānvayī ||
dhavalātapatramapi tasya hatamapatadindumaṇḍalam | draṣṭumupagatamivājimataḥ paruṣaṃ ripuḥ pratijagarna tarjayan || 15 || dhavaleti || (tena hariṇā) tasya ripordhavalātapatraṃ śvetacchatramapi | āji saṅgrāmaṃ draṣṭumupagatamindumaṇḍalaṃ candrabimbamiva | hatam | ataḥ kāraṇād ripuḥ paruṣaṃ tarjayan san pratijagarja ||
vimukhaḥ phalaṃ vidhirivāśu khala iva kṛtaṃ sa taṃ yaśaḥ | lobha iva mada ivopaśamaṃ guruśaktiśastramarujanniyojayan || 16 ||