Yashastilaka 3.239.1

3.239.1

vṛttamātanoti | valabhī paṭalādharā vaṃśapañjaro valabhītyucyate tā. valabhī. nitambaśobhā vidhāya strīkaṭīpaścādbhāgo nitambastasya śobhā kṛtvā | punaśca kiṃ kṛtvā | pūrve toraṇapuṣpamālā kāñcīguṇa sajīnakalāpaṃ vidhāya kṛtvā | punaśca kiṃ kṛtvā | dhvajāvalī. patākāpaṅktīrlolabhujā capalabāhurvidhāya kṛtvā | rūpakotprekṣālaṃkāraḥ || saudhāgrabhāgeṣvityādi | iyaṃ pratyakṣībhūtā ambaraśrīrākāśalakṣmīrme mama puṣpopahārāya kusumavarṣaṇāya kṛtādareva vartate | kasmāt | ānandabhāvāt harṣabharāt | kaiḥ kṛtvā puṣpopahāraṃ karoti | īkṣaṇairlocanaiḥ kṛtvā | kāsāmīkṣaṇaiḥ | saudhāgrabhāgeṣu sthitānāṃ purāṅganānāṃ nagarastrīṇāṃ saṃbandhibhirlocanai | kathaṃbhūtai īkṣaṇai | nīlotpalaspardhibhi indīvarāṇāṃ tiraskaraṇaśīlai | upamotprekṣālaṃkāra || gavākṣamārgeṣvityādi | iyaṃ nagarī gavākṣamārgeṣu vātāyanacchidreṣu vilāsinīnā strīṇāṃ vilocanairnetrai sadarbhitā sayuktā cakāsti śobhate | kathaṃbhūtairvilocanai | mauktikabimbakāntai. mauktikānā muktāphalānāṃ bimbaiḥ praticchāyābhi kāntairmanoharai. | nagarī kīdṛśī cakāsti | nakṣatrakīrṇā tārāmaṇḍalamaṇḍitā sumerubhūmiriva meruparvatabhūmiriva | upamālaṃkāraḥ ||