Yashastilaka 4.113.13

4.113.13

punaḥ kathaṃbhūtam | avālamālūramūlakacakrakopakramam avālāni bṛhanti yāni mālūrāṇi vilvaphalāni mūlakāni ca cakrakāni ca khaṭālapatraśākaviśeṣaḥ teṣāmupakramaḥ kṣārārambho yatra tattathoktam | punaḥ kathaṃbhūtam | amṛṣṭacirbhaṭikābhakṣaṇabhagnabhāvakramopakramam amṛṣṭāni īṣat sākṣādamṛṣṭakāni yāni cirbhaṭikāni ciṃcarikāsteṣāṃ bhakṣaṇena carvaṇena bhagnau naṣṭau bhāvakramo'rucikramopakrama yasmin tattathoktam | punaḥ kathaṃbhūtam | apakkārkābhidagdhanariṅgiṇīphalāviralaviracanam apakkāni anagnisiddhāni arkāṇi arkaphalāni agnidandanāni śuddhināśakāni riṅgiṇīphalāni kaṇṭakārikāphalāni teṣāṃ aviralaṃ pracurataravitaraṇaṃ tasya viracanā yasmin bhojane tattathoktam | punaḥ kathaṃbhūtam | agasticūtāmrātakapicumandakandalasadanam agastiśca agastivṛkṣaḥ cūtaśca āmravṛkṣaḥ āmrātakaśca kapipriyavṛkṣaḥ | uktaṃ ca dhanvantarinighaṇṭau—'āmrātakaḥ pītanakaḥ kapicūto'mlavāṭakaḥ | śaṅkī kapiraso'nyaśca tanukṣīraḥ kapipriyaḥ ||' picumandaśca nimbatarusteṣāṃ kandalānāṃ khaṇḍānāṃ sadanaṃ sthānam | punaḥ kathaṃbhūtam | anekadivasavāsārthitāmlakhalakavistāram | anekadivasavāsaṃ bahudivasopitaṃ bahudivasasthitaṃ arthitaṃ yācayitvā nītaṃ yat āmlakhalakaṃ dantaśaṭharabdhāviśeṣastasya vistāraḥ prācuryaṃ yatra tattathoktam | punaḥ kathaṃbhūtam | atīvapākopahatabṛhatīvārtākaphalasobhājanakandasālanakāvatāram atīva atiśayena pākopahatā pakvā yā bṛhatī kṣudravārtākī vārtākaṃ ca vṛntāka teṣāṃ phalāni |