Yashastilaka 4.117.5

4.117.5

danakavalāt vā aparaṃ anyaṃ āhāraṃ modakādikaṃ na āharati na bhuṅkte | ka iva | mumukṣuriva moktumicchurmunireva | yathā mumukṣuḥ śākamātrānnāt aparaṃ snigdhamāhāraṃ nāharati | punaśca yaḥ sacivaḥ kiṃ karoti | dalaṃ phalaṃ vā svayamātmanā vanaspatīn na avacinoti gṛhṇāti vanaspatīnāṃ dalaṃ phalaṃ svayameva na truñcati | 'yācñārthā duhicintipracchidhigbhārijanīvahvavadaṇḍaprahakūpmānadhimupa patrādyāyavau dviṭāra' (?) iti vacanāt ciñdhātoḥ prayoge dvikarmakatvāt vanaspatīniti ṣaṣṭhībādhitā dvitīyā | kasmāt svayaṃ dalaṃ phalaṃ vā na cinoti | ityamunā prakāreṇa dayālubhāvāt kāruṇikatvāt | na kevalaṃ dayālubhāvāt | duritabhīrubhāvācca | itīti kim | īṣadapi stokamapi aśubhaṃ duḥkhaṃ anyatra aparajīve utpāditaṃ janitaṃ janmāntare anyabhave ātmani sasmin śataśaḥ śatavārān sahasravārān lakṣadhā koṭidhā duḥkhaṃ phalati | kimiva | uptabījamiva vapitakaṇa iva | ka iva cinoti | yogīva dhyānavānmuniriva | punaśca kiṃ karoti sacivaḥ | paroparodhāt kuṭumbyādyāgrahāt taddalaṃ phalaṃ vā anubhavaṃścāsvādayan pataṅgapāvakasparśapūtaṃ sūryāgnivaiśvānarasparśanapūtaṃ pavitraṃ vinā nānubhavati nāsvādayati | punaśca kiṃ kṛtavān | na kevalaṃ niṣkevala mayi viṣaye ciraparicayodanvadasīmasnehanirbharatvāt ciraparicayena bālādārabhya saṃgatitayā udanvan utpadyamāno yo'sau asīmasneha aparyantaprītistasminnirbharatvāt tatparatvāt parādhīnatvāt suhṛdiva kuṭumbyaṅga iva vṛttavighnākāramapi cāritrāntarāyamūrtimapi rājyabhāraṃ ūrīkṛtavān svīkṛtakāra | uktaṃ ca—'paratantraḥ parādhīnaḥ paravānprāyavānapi |