Yashastilaka 4.281.1

4.281.1

vidyonā sphuritaṃ strīṇā lāvaṇya ca bhavatu vā mā vā bhavatu | atīndriyaiścakṣurādīnāmagocarairvicārai. kim | na kimapi | upamākṣepālaṃkāraḥ || śrīmānityādi | vidhe. prasādena puṇyasyodayena yaḥ śrīmān lakṣmīvān pumān satsu kṛtādaro na bhavati tasya puruṣasya tā sapado lakṣmyo nirarthā niṣphalā bhavanti | kiṃvat | araṇyakusamānīva araṇyapuṣpāṇīva | upamālaṃkāraḥ || āsaṃsāramityādi | yeṣu bhūpeṣu āsasāra sasāraparyantaṃ yaśaḥ kartuṃ kīrti vidhātu vāñchā ākāṅkṣā asti vidyate, na kevalaṃ yaśaḥ kartuṃ vāñchāsti, kiṃ tu puna. caturvargaṃ dharmārthakāmamokṣalakṣaṇaṃ vedituṃ jñātuṃ vāñchāsti, te bhūpāste rājānaḥ kavisaṃgrahaṃ mahākavisvīkāraṃ kurvanti vidadhati | jātyalaṃkāraḥ || kadācit kasmiṃściddavasare itipāṭhaparāyaṇa. īdṛśapāṭhatatparaḥ sannaha svayameva ātmanaiva gṛhītaveṇu gṛhītavaṃśayaṣṭi. vāraṇān ahaṃ vininthe śikṣitavānaham | kāsu (viṣaye) | karivinayabhūmiṣu gajaśikṣābhūmiṣu | kathaṃbhūtāsu karivinayabhūmiṣu | anāyāsapravṛttarathacaraṇanemiṣu anāyāsena sukhena pravṛttāḥ sacalitā rathacaraṇānāṃ syandanacakrāṇā nemayo dhārā yāsu tāstathoktāstāsu |