Yashastilaka 4.333

4.333

janalampaṭatvena ākaṇṭhaṃ bhojanaṃ kuryāt paripūrṇa bhuṅkte sa pumān vyādhīn rogān anaryāya duḥkhanimittaṃ prabodhayet jāgarayati | kathaṃbhūtān vyādhīn | suptān vyālāniva nidrā prāptān sarpāniva | upamālaṃkāraḥ || anye tvevamāhuḥ| anye vaidyāstu evamāhurbuvanti | evaṃ kathamiti cet-ya ityādi | yaḥ pumān krauñcavat cakravākavat divākāmaḥ dine maithunaṃ karoti sa pumān naktaṃ rātrau bhoktumarhati bhojanaṃ kartuṃ yogyò bhavati | sa pumān vāsare divase bhoktā bhojanaṃ karoti | sa kaḥ | yaḥ pumān rātrau rantā maithunakārakaḥ | kivat | cakoravat jīvaṃjīvapakṣivat | upamālaṃkāraḥ || pare tvevamāhuḥ | evaṃ kathamiti cet-hṛnnābhītyādi | hṛtpadmaṃ ca nābhipadmaṃ ca hṛnnābhipadme tayoḥ saṃkoco bhavati mukulatvaṃ syāt | kasmāt | caṇḍarocerapāyataḥ caṇḍarociṣaḥ śrīsūryasya apāyatò'stamanāt | ata etasmāt kāraṇāt naktaṃ rātrau na bhoktavyaṃ na bhojanīyam | kaiḥ vaidyavidyāvidāṃ varaiḥ | uttamavaidyairityarthaḥ | rūpadālaṃkāraḥ || devārcāmityādi | devārcā devapūjanaṃ bhojanaṃ bhukti nidrāṃ svāpaṃ etāni trīṇi karmāṇi ākāśe abhrāvakāśe na prakalpayet | tathā andhakāre na prakalpayet | tathā saṃdhyāyāṃ na prakalpayet | tathā avittāne candroparahite niketane gṛhe na prakalpayet | dīpakālaṃkāraḥ || sahabhojiṣvityādi | sahabhojiṣu lokeṣu ye sahaiva bhojanaṃ kurvanti tebhyaḥ puraiva pūrvameva pariveṣayet bhojanaṃ mocayet | anyathā pūrve bhuñjānasya dṛṣṭiviṣasaṃkramaḥ teṣāṃ dṛṣṭiviṣaṃ saṃkrāmati | rūpakālaṃkāraḥ ||