Yashastilaka 4.374.1

4.374.1

vīraśrītyādi | he rājan, tava karaḥ tāmbūlāya prasaratu vyāpiyatām | kathaṃbhūtaḥ karaḥ | vīraśrīpraṇayaguruḥ vīraśriyo vīrakṣmyāḥ praṇayasya snehotpādanaśikṣāyāḥ gururācāryaḥ | punaḥ kathaṃbhūtaḥ | arthināṃ yācakānāṃ sākṣāt pratyakṣeṇa kalpadrumapallavaḥ kalpavṛkṣapravālaḥ | punaḥ kathaṃbhūtaḥ | strīkapolacitrakaraḥ strīṇāṃ kapoleṣu patrāvalīlerakhane citrakaraḥ raṅgājīvakaḥ | rūpakālaṃkāraḥ || kāmakopetyādi | kāmaśca strīsevā, kopaśca krodhabhāvaḥ, ātapaśca gharmaḥ, āyāsaśca śramaḥ, yānaṃ ca gamanam, vāhanaṃ ca aśvādyārohaṇam, vahnidyāgniḥ, te kāmakopātapāyāsayānavāhanavahvayaḥ ete padārthā bhojanānantaraṃ jātu kadācit na sevyāḥ | kiṃ kurvatā | hitamicchatā kāyasya guṇaṃ vāñchatā | samuccayālaṃkāraḥ || ānandasundaretyādi | he mahīśa he rājan, bhuktvā bhojanaṃ kṛtvā dinasya madhyaṃ madhyāhnavelāṃ ativāhaya nirgamaya | kaiḥ kṛtvā ativāhaya | ānandasundaravinodavidāṃ vacobhiḥ ānandena sundarāḥ manoharāḥ ye vinodāḥ krīḍanāni tān vidanti jānanti ānandasundaravinodavidasteṣāṃ vacobhirvacanaiḥ | subhāṣitagoṣṭhībhirityarthaḥ | punaśca kaiḥ kṛtvā madhyāhnamattivāhaya | vanitāvilāsaiḥ vanitānāṃ matsyaraṃgāgotrādikānāṃ strīṇāṃ vilāsairlocanāvalokanaiḥ | kathaṃbhūtaiḥ | śṛṅgārasārasubhagaiḥ | sāraśṛṅgāreṇa manoharairityarthaḥ | punaśca kaiḥ kṛtvā madhyāhnamattivāhaya | śukasārikāṇāṃ pītapādakīrādikānāṃ ālāpakelikaraṇaiḥ ābhāṣaṇakrīḍāvidhānaiḥ | samuccayālaṃkāraḥ ||