Yashastilaka 4.374.15

4.374.15

jaladevatātumulajalakelikalahāvalokanonmadanāradottālatāṇḍavāḍambaritaśikhaṇḍimaṇḍalīniṣṭhyūtanibiḍanīrapravāhaviḍambyamānavilāsinījaghanam jaladevatānāṃ tumulro raudro yo'sau jalakelikalahastasyāvalokanena unmadaḥ saharṣaḥ yo'sau nāradastasyottālamuktaṃ yattattāṇḍavaṃ nṛtyaṃ tena āḍambaritā avalokanamāgatā yā śikhaṇḍimaṇḍalī marīcyādisasarṣisamūhastayā | niṣṭhyūta udgīrṇaḥ yo'sau nibiḍanīrapravāhaḥ pāṭlajalapravāhaḥ tena viḍambyamānāni khalīkriyamāṇāni vilāsinīnā jaghanāni kthyaprabhāgā yatra tattathoktam | punaḥ kathaṃbhūtam | kṛtakanākānokahaskandhāsīna surasundarīhastodastodakāpāyamānavallabhāvataṃsakisalayāśvāsam kṛtakāḥ ye nākānokahāḥ kalpavṛkṣāsteṣā skandheṣu śākhāmūleṣu āsīnā yāḥ surasundaryastāsāṃ hastairudastāni utkṣiptāni yānyudakāni tairāpāyamāna utpāyamāno vallabhānāṃ priyatamastrīṇāmavataṃsānā karṇapūrāṇā kisalayānāṃ āśvāsa jīvanaṃ yatra tattathoktam | punaḥ kathaṃbhūtam | pavanakanyakoḍḍamaracāmarānilavinodyamānasurataśrāntasīmantinīmānasam pavanakanyakāḥ kṛtrimacamaradhāriṇyaḥ puttalikāstāsāmuḍḍamara utkaṭo yo'sau cāmarānilaḥ tena vinodyamānāni āścaryapūrvakamāhādyamānāni surataśrāntānāṃ sabhogakhedavatīnāṃ sīmantinīnāṃ mānasāni yatra tattathoktam | punaḥ kathaṃbhūtam | itastataḥ payodharapuraṃdhrikāstanakalaśavidhīyamānamajjanāvasaram itastato yatra tatra payodharapuraṃdhrikāṇāṃ kṛtrimameghaputtalikānāṃ stanakalaśairvidhīyamānaḥ kriyamāṇo majjanāvasaro yatra tattathoktam | punaḥ kathaṃbhūtam |