Yashastilaka 4.376

Yaśastilaka 4.376

Language: Sanskrit

4.376

tatra yantradhārāgṛhe, śirīṣakusumadāmasaṃdānitakuntalakalāpābhiḥ vicakilamukulaparikalpitahārayaṣṭibhiḥ pāṭalīprasavasurabhitadhammillamadhyābhiḥ karṇapūramarubakodbhedasundaragaṇḍamaṇḍalābhiḥ mṛṇālavalayālaṃkṛtakalācīdeśābhiḥ amandacandanasyandadurdinastanataṭābhiḥ nibiḍajalakrīḍāmāñjiṣṭhadṛṣṭibhiḥ vallabhalokahastayatrodastajalajaḍāṃśukavyaktanimnonnatapradeśābhiḥ amaryādālāpavilāsahāsollāsābhirāmābhiḥ priyatamābhiḥ saha saṃkrīḍamānaḥ
vivaśabisinīkandacchedairmṛṇālavibhūṣaṇairmalayajarasasyandārdrairaśokadaloccayaiḥ
yuvatihṛdayairhārottārastanaiśca vilāsināṃ
samadhikaratirjātaḥ kāmaṃ nidāghasamāgamaḥ

Previous: 4.375.4
Next: 4.377
Up: 4

Commentaries (1)

Yaśastilakacandrikā — Śrutasāgara, Sanskrit