Yashastilaka 4.375

4.375

vikirati, kucakalaśataṭe stanakalaśamūle spṛṣṭā satī cūcukaprakrameṇa kucāgrāvasareṇa candanasyandadhārāḥ vikirati, vaktre spṛṣṭā satī netrāntarābhyā locanamadhyābhyāṃ candanasyandadhārāḥ vikirati, śirasi mastake spṛṣṭā satī avataṃsārpitena karṇapūreṇa kuvalayena candanasyandadhārāḥ vikirati, śroṇyāṃ kaṭyā spṛṣṭā satī kāñcīguṇānaiḥ kaṭimekhalādorakaprāntaiḥ candanasyandadhārāḥ vikirati, trivaliṣu udararekhāsu spṛṣṭā satī punaśca punarapi nābhirandhreṇa tundikācchidreṇa candanasyandadhārāḥ vikirati | yantrastrī kathaṃbhūtā | dhīrā anāvilā nirmalā | dīpakasamuccayālaṃkāraḥ ||
kiṃ kurvāṇo'ham | priyatamābhiḥ saha sakrīḍamānaḥ | kathaṃbhūtābhi. priyatamābhiḥ | śirīṣakusumadāmasaṃdāmitakuntalakalāpābhiḥ śirīṣakusumadāmabhiḥ śirīṣapuṣpamālābhiḥ saṃdānitāḥ grathitāḥ kuntalakalāpā keśahastāḥ yābhistāstathoktāstābhiḥ | uktaṃ ca— 'śirīṣastu kapītanaḥ bhaṇḍilo mṛdupuṣpaśca bhaṇḍīraḥ śaṅginīphalaḥ śukatanuśyāmakakṣalakaśupriyaḥ bhaḍīveti (?) yāvat | punaḥ kathaṃbhūtābhiḥ | vicakilamukulaparikalpitahārayaṣṭibhiḥ vicakilo mogarakastasya mukulaiḥ kalikābhiḥ parikalpitā racitā hārayaṣṭayo muktāphalamālā yābhistāstathoktāstābhiḥ | punaḥ kathaṃbhūtābhiḥ | pāṭalīprasavasurabhitadhammillamadhyābhiḥ pāṭalī vasantadūtī tasyāḥ prasavaiḥ surabhitaḥ dhammillaḥ saṃyatāḥ kacāstasya madhyo garbho yābhistāstathā tābhiḥ | punaḥ kathaṃbhūtābhiḥ | karṇapūramarubakodbhedasundaragaṇḍamaṇḍalābhiḥ karṇapūrasya sabandhī yo'sau marubakaḥ patrapuṣpaviśeṣaḥ tasyodbhedairmañjarībhiḥ sundarāṇi gaṇḍamaṇḍalāni yāsāṃ tāḥ tathā tābhiḥ | punaḥ kathaṃbhūtābhiḥ | mṛṇālavalayālaṃkṛtakalācīdeśābhiḥ mṛṇālānā valayaiḥ kaṭakaiḥ alaṃkṛtāḥ kalācīdeśāḥ prakoṣṭhabhāgā yābhistāstathā tābhiḥ | punaḥ kathaṃbhūtābhiḥ | amandacandanasyandadurdinastanataṭābhiḥ amandaḥ pracurataro 'yo'sau candanasyandaḥ gandhasāradravastena durdināni viliptāni stanataṭāni yāsā tāstathā tābhiḥ | punaḥ kathaṃbhūtābhiḥ | nibiḍajalakrīḍāmāñjiṣṭhadṛṣṭibhiḥ nibiḍā gāḍhā yā jalakrīḍā tayā māñjiṣṭhāḥ pāṭalā dṛṣṭayo yāsāṃ tāstathā tābhiḥ | punaḥ kathaṃbhūtābhiḥ | vallabhalokahastayantrodastajalajaḍośukavyañjaninonnatapradeśābhiḥ vallabhalokasya priyajanasya hastasya sabandhi yat yantraṃ jalo-